جامبىل وبلىسىندا ءۇش ادام ونەركاسىپتىك كومپانيانىڭ شاحتاسىنان التىن رۋداسىن ۇرلاماق بولعان, دەپ حابارلايدى Egemen.kz Polisia.kz سايتىنا سىلتەمە جاساپ.
وقيعا تۋرالى پوليتسيا بولىمىنە وسى كاسىپورىننىڭ قىزمەتكەرلەرى حابارلادى. جابىرلەنۋشى تاراپتىڭ ايتۋىنشا, بەلگىسىز تۇلعالار كومپانيانىڭ كۇزەتىلەتىن اۋماعىنا كىرىپ, تەرەڭدىگى 100 مەتر شاحتاعا ءتۇسىپ, قۇرامىندا التىن بار ءۇش قاپ كەن ۇرلاماق بولعان.
مويىنقۇم اۋدانىنىڭ پوليتسيا قىزمەتكەرلەرى وسى قىلمىسقا قاتىسى بار دەگەن كۇدىكپەن 45 جانە 46 جاستاعى ەكى ەر ادامدى ۇستادى.
كۇدىكتىلەر اقمولا وبلىسى مەن نۇر-سۇلتان قالاسىنىڭ تۇرعىندارى بولىپ شىقتى.