دارا تۇلعا تۋرالى ۆەرنيساج

ءىس-شارا بارىسىندا قازاق قوعامىن بوياماسىز بەينەلەپ, تەڭدەسى جوق اسىل مۇرا قالدىرعان قازاق ادەبيەتى مايتالمانىنىڭ ءومىر جولى مەن جازۋشىلىق قىزمەتى, شىعارماشىلىعى حاقىندا كەڭىنەن اڭگىمە قوزعالىپ, ول تۋرالى ەستەلىكتەر ايتىلدى.                       

كەلەسى كەزەكتە كوللەدجدىڭ بەلسەندى ستۋدەنتتەرى جانمەيىرىم شالاباەۆا, مەيرامگۇل ەسەنگەلدينوۆا, تالاپ قيلىباەۆ, يزولدا بەكبولاتوۆا قاسىم امانجولوۆتىڭ «مۇحتار اعا», سىرباي ماۋلەنوۆتىڭ «مۇقاڭا», راسۋل عامزاتوۆتىڭ «مۇحتار اعا» ولەڭدەرىن ناقىشىنا كەلتىرىپ وقىدى. سونداي-اق قازاقتىڭ ۇلى جازۋشىسى, قوعام قايراتكەرى, عۇلاما عالىم, قازاقستان عىلىم اكادەمياسىنىڭ اكادەميگى, فيلولوگيا عىلىمدارىنىڭ دوكتورى, پروفەسسور, قازاق كسر-ءىنىڭ ەڭبەك سىڭىرگەن عىلىم قايراتكەرى م.اۋەزوۆتىڭ قولىنان شىققان دۇنيەلەرى مەن ول تۋرالى جازىلعان ەستەلىك كىتاپتاردان ء«داۋىردىڭ دارا تۇلعاسى» اتتى كىتاپ كورمەسى ۇيىمداستىرىلىپ, كورمەگە كىتاپحانا قىزمەتكەرى ايعانىم بەكجان بيبليوگرافيالىق شولۋ جاسادى.

كەش بارىسىندا كىتاپحانا قىزمەتكەرلەرى ستۋدەنتتەردىڭ شىعار­ماشىلىعىن شىڭداۋ ماقساتىندا ءتۇرلى سايىستار, «ميلليون كىمگە بۇيىرادى؟» ويىنىن ۇيىمداستىرىپ, ستۋدەنتتەر جازۋشى جايلى ارنايى دايىندالعان سۇراقتارعا جەدەلدەتە جاۋاپ بەردى.

اتالعان ءىس-شارا مۇحتار اۋەزوۆتىڭ شىعارماشىلىعىن وسكەلەڭ ۇرپاق جۇرەگىنە ۇيالاتۋ ارقىلى ولاردىڭ ادەبيەتكە دەگەن قىزىعۋشىلىعىن ارتتىرۋدى كوزدەدى.

شىرايلىم قۇداسوۆا,

ساعي جيەنباەۆ اتىنداعى وبلىستىق جاسوسپىرىمدەر كىتاپحاناسىنىڭ قىزمەتكەرى

اقتوبە