ءبىلىم جانە عىلىم ءمينيسترى اسحات ايماعامبەتوۆ مەكتەپتەگى اتا-انالار جينالىسىن وتكىزۋ فورماتىن وزگەرتۋ كەرەكتىگىن ايتتى, دەپ حابارلايدى Egemen.kz.
«مەكتەپتە اتا-انالار جينالىسىن وتكىزۋ ماسەلەسى بۇعان دەيىن دە بىرنەشە رەت كوتەرىلدى. الدىڭعى جىلى اتا-انالار جينالىسىن وتكىزۋدىڭ جاڭا فورماسىنا كوشۋ كەرەك دەگەن تاپسىرما بەرىلدى. باياعىداعىداي اتا-انالاردى جيناپ الىپ, بالالارىنىڭ وقۋ ۇلگەرىمى, قىلىقتارىن تالقىعا سالۋدىڭ كەرەگى جوق. باسقا اتا-انانىڭ كوزىنشە بىرەۋدىڭ بالاسىن تالقىعا سالماڭىزدار», دەدى اسحات ايماعامبەتوۆ اتالعان ۆەدومستۆودا وتكەن اپپاراتتىق جينالىستا.
ءمينيستردىڭ ايتۋىنشا, پەداگوگ ءار اتا-اناعا بالاسىنىڭ تاربيەسى مەن بىلىمىنە قاتىستى تولىق اقپاراتتى بەرۋى ءتيىس.
«ارينە, بىرەۋلەردىڭ كوزىنشە بالاسىن تالقىلاعاننان كەيىن اتا-انالار مەكتەپ جينالىسىنا كەلگىسى كەلمەيدى. سوندىقتان جينالىس وتكىزۋدىڭ جاڭا فورماتىنا كوشۋ كەرەك. مۇعالىم اتا-اناعا بالاسىنىڭ قانداي پاندەردى ۇناتاتىنىن نەمەسە قانداي پاندەردەن قوسىمشا ساباق كەرەكتىگىن ايتىپ جەتكىزۋ كەرەك. جالپى اتا-انامەن جۇمىس ىستەۋ ماڭىزدى جايت, سوندىقتان ەرەكشە ءمان بەرۋ كەرەكتىگىن تاعى ەسكە سالامىن», دەيدى ول.