نۇر-سۇلتان قالاسى ماڭگىلىك ەل 28/1 مەكەنجايىنا ورنالاسقان 342 داۋىس بەرۋ ۋچاسكەسىنە تىركەلگەندەر سانى - 1955 ادام, دەپ حابارلايدى Egemen.kz.
داۋىس بەرۋ باستالعالى بەرى ءتورت ساعات ىشىندە 480 ازامات ءوز ەركىمەن كەلىپ داۋىس بەرىپ，تاڭداۋىن جاساعان.
سولاردىڭ ءبىرى قازاق اگروتەحنيكالىق ۋنيۆەرسيتەتىنىڭ وقىتۋشىسى ۇلزادا ءايتىموۆا: «شىنىن ايتقاندا ءبىزدىڭ جاڭا قازاقستاندى كورگىمىز كەلەدى. بۇل جەردە ون ءتۇرلى وزگەرىستى جازعان ەكەن，سونىڭ ىشىندە ماعان ۇناعانى 6 باپ，4 تاراۋداعى جەردىڭ استى-ءۇستى بايلىعىنىڭ حالىققا تيەسىلى دەگەنى بولدى. سونىمەن بىرگە تۇڭعىش پرەزيدەنتتىڭ مارتەبەسىن الىپ تاستاۋ دەگەنى دە بارىمىزگە ۇنايدى دەپ ويلايمىن, ويتكەنى, زاڭ بارىمىزگە ورتاق，ەشكىمنىڭ دە ەرەكشەلىگى بولماۋى كەرەك，بارلىق ازاماتتىڭ زاڭ الدىنداعى قۇقىعى بىردەي»，دەدى.
رەفەرەندۋمدا داۋىس بەرۋ ءالى جالعاسىپ جاتىر. داۋىس بەرۋدى باقىلاۋشىلار توبى مەن باق وكىلدەرى دە وسىندا وتىر.