ەسكەرتكىشتىڭ اشىلۋ سالتاناتى 1 ماۋسىمدا «جەتىسۋ» ساياباعىندا ءوتتى, دەپ حابارلايدى Egemen.kz.
ەلوردادا بالالاردى قورعاۋ كۇنىندە «مەنىڭ اتىم قوجا» شىعارماسىنىڭ باستى كەيىپكەرىنە ارناپ تۇرعىزىلعان ەسكەرتكىشتىڭ اشىلۋ سالتاناتى ءوتتى.
1963 جىلى «قازاقفيلم» ستۋدياسى تۇسىرگەن «مەنىڭ اتىم قوجا» تۋىندىسىنىڭ باس كەيىپكەرىنە ارنالعان ەسكەرتكىش ەلوردانىڭ «جەتىسۋ» ساياباعىندا ورناتىلدى. شارا ەلدەگى «بالالار جىلى» اياسىندا ۇيىمداستىرىلدى.
ەسكەرتكىشتىڭ جالپى بيىكتىگى 1 مەتر 83 سانتيمەتردى قۇرايدى. گرانيت جانە قولا ماتەريالداردان جاسالعان. ءمۇسىنشى – تالاپحان ازامات, ال يدەيا اۆتورى – مۇرات قوجامقۇلوۆ.