قوستاناي وبلىسىنىڭ جىتىقارا اۋدانىنا ءماجىلىس دەپۋتاتتارى سامات اقىشەۆ پەن ءاليا ساپاروۆا كەلىپ, كاسىپورىن وكىلدەرىمەن, ەڭبەك ۇجىمدارىمەن كەزدەستى, دەپ حابارلادى پارلامەنت ءماجىلىسىنىڭ ءباسپاسوز قىزمەتى.
ءاليا ساپاروۆانىڭ ايتۋىنشا, پرەزيدەنتتىڭ رەفەرەندۋم وتكىزۋ تۋرالى باستاماسىن ەل تۇرعىندارى قولدايدى. ياعني, حالىق وزگەرىستەردىڭ ماڭىزدىلىعىن تۇسىنەدى.
– ءبىز ءوز كەزەگىمىزدە جاڭا قازاقستاندى, جاڭا قۇقىقتىق مەملەكەتتىك قۇرۋدا رەفەرەندۋم وتكىزۋدىڭ قاجەتتىگىن, ودان ءارى ناقتى, ايقىن ءتۇسىندىرۋدى جالعاستىراتىن بولامىز, – دەدى ءا. ساپاروۆا.
ال سامات اقىشەۆ الداعى رەفەرەندۋمنىڭ ماڭىزدىلىعىن العا تارتا كەلىپ, ءاربىر ازامات ەلدىڭ ساياسي ومىرىنە بەلسەندى قاتىسىپ, ءوزىنىڭ سايلاۋ قۇقىعىن بارىنشا پايدالانۋعا تيىستىگىنە توقتالدى.
دەپۋتاتتار اتباسىن بۇرعان «قوستاناي مينەرالدارى» اق – قازاقستانداعى ءحريزوتيلدى وندىرەتىن بىرەگەي كاسىپورىن. حريزوتيل-اسبەست ءوندىرۋدىڭ الەمدىك نارىعىندا جاقسى ناتيجەلەر كورسەتىپ, الەمدە 4-ءشى ورىندى يەلەنەدى. ءونىمنىڭ 95 پايىزى ەكسپورتقا كەتەدى.
كاسىپورىن قىزمەتكەرلەرى 5 ماۋسىم كۇنى داۋىس بەرۋگە قاتىساتىندارىن, جاڭارۋدىڭ, وزگەرىستىڭ ۋاقىتى كەلگەنىن, وعان ۇلەس قوسۋ ازاماتتىق پارىزدارى ەكەنىن اتاپ كورسەتتى.