تەننيستەن قازاقستان ايەلدەر قۇراماسىنىڭ كاپيتانى ياروسلاۆا شۆەدوۆا امەريكالىق ۆانيا كينگپەن بىرگە «ۇلكەن دۋلىعا» ساناتىنداعى «ۋيمبلدون» ءتۋرنيرى اياسىندا وتەتىن Ladies lnvitational Doubles جارىسىنا قاتىسادى.
اتالعان دودادا سپورتتىق جولىن اياقتاعان ويىنشىلار ونەر كورسەتەدى. «ۇزاق ۇزىلىستەن كەيىن ۇلكەن كورتقا قايتا ورالاتىنىما قۋانىشتىمىن. ۇلىبريتانيادا ۆانيامەن كەزدەسۋدى اسىعا كۇتەمىن. ەندى لايىقتى ونەر كورسەتۋ ءۇشىن دۇرىستاپ جاتتىعۋ كەرەك», دەيدى يا.شۆەدوۆا. ايتا كەتەيىك, 2010 جىلى ياروسلاۆا مەن ۆانيا 145 جىلدىق تاريحى بار «ۋيمبلدون» باسەكەسىنىڭ جۇپتىق كەزەڭىندە توپ جارعان ەدى. ولار فينالدا رەسەيلىك ەلەنا ۆەسنينا مەن ۆەرا زۆونارەۆادان ەكى سەتتە – 7:6, 6:2 ەسەبىمەن باسىم تۇسكەن بولاتىن.
سونداي-اق قازاقستاندىق جاس تەننيسشىلەر ارۋجان ساعىندىقوۆا مەن ماكسيم باتيۋتەنكو جاستار اراسىنداعى فرانتسيا اشىق چەمپيوناتىنىڭ ىرىكتەۋ كەزەڭدەرىندە باق سىنايدى. ەكى تەننيسشى دە Team Kazakhstan اكادەمياسىنىڭ تۇلەكتەرى. جاستار اراسىنداعى «رولان گارروس» باسەكەلەرى 29 مامىر مەن 4 ماۋسىم ارالىعىندا پاريجدە وتەدى.