بۇگىن تۇركىستان وبلىسى, جەتىساي اۋدانىندا «جۇزدەن جۇيرىك, مىڭنان تۇلپار» اتتى وبلىستىق-ايماقتىق كونكۋرس ءوتتى, دەپ حابارلايدى Egemen.kz.
«بالالار جىلى» اياسىندا ۇيىمداستىرىلعان كونكۋرس بالالار جازۋشىسى بەيسەنباي سۇلەيمەنوۆتىڭ شىعارمالارىنا ارنالدى. بايقاۋعا سارىاعاش, كەلەس, شاردارا, ماقتاارال جانە جەتىساي اۋداندارىنداعى مەكتەپتەردىڭ ۇزدىك وقۋشىلارى قاتىستى.
جۇلدەلى ورىندارعا يە بولعان بالالارعا ديپلومدار مەن باعالى سىيلىقتار, جازۋشى بەيسەنباي سۇلەيمەنوۆتىڭ كىتاپتارى تاپسىرىلدى. بۇل ادەبي شارا جىل سايىن وتكىزىلىپ تۇراتىن بولدى.
ايتا كەتسەك, ادەبي بايقاۋ جازۋشى وقىعان «ماقتالى» كەڭشارىنداعى بۇرىنعى ا.پ.چەحوۆ, قازىرگى كەنەسارى حان اتىنداعى مەكتەپتە ءوتتى.