ەل ىشىندەگى تالانتتاردى ىزدەپ تاۋىپ, حالقىمىزدىڭ اسىل قازىناسى – ءان مەن كۇيدى تەرەڭىرەك ناسيحاتتاۋدى ماقسات ەتكەن “ماڭعىستاۋ جۇلدىزدارى” وبلىستىق ونەر فەستيۆالى مارەسىنە جەتتى. ءداستۇرلى فەستيۆالدە بيىل 2 مىڭنان استام ادام ءوز ونەرلەرىن ورتاعا سالدى. ايماقتا بەسىنشى رەت ويداعىداي وتكەن بايقاۋدىڭ ءجۇلدەگەرلەرى ادەتتەگىدەن كوپ بولدى. ۇلى جەڭىستىڭ 65 جىلدىعى قۇرمەتىنە جۇلدەگەرلەرگە حالقىمىزدىڭ قاھارمان ۇل-قىزدارى ب.مومىش ۇلى, ر.قوشقارباەۆ, ح.دوسپانوۆا, م.سۇيەۋباەۆ, م.بەگەنوۆ سياقتى باتىرلار اتىنداعى ءجۇلدەلەر بەلگىلەنگەنى قۇپتارلىق دەۋگە بولادى.
ءسويتىپ, بۇل جىلعى باس جۇلدەگە جاڭاوزەندىك ونەرپازدار يە بولىپ, ولارعا اۆتوكولىكتىڭ كىلتى تابىس ەتىلدى.
جولامان بوشالاق, ماڭعىستاۋ وبلىسى.