بالىقشى

بەلگىلى سۋرەتشى قانافيا تەل­جانوۆتىڭ «بالىقشى دۇيسە­تايدىڭ پورترەتى» كارتيناسى پورترەت جانرىنا جاتادى جانە رەاليزم ستيلىندە جازىلعان. ولاي دەيتىن سە­بە­بىمىز, ول سول داۋىردە كول­حوز­دارعا بارىپ, ەڭ­بەك­شى­لەر­­مەن, مادەنيەت قاي­رات­كەرلەرىمەن جانە ەڭبەك ەر­لەرىمەن كەزدەسە ءجۇرىپ, ەس­كيز سىز­دى. ونىڭ العاشقى كار­تي­نا­لارى تىڭ يگەرۋگە, جا­ڭا قالالار, وندىرىستىك زاۋىت­تار قۇرىلىسىنا, ياعني قا­زاقستاننىڭ تۇرمىسى مەن مادە­نيەتىنە ارنالعان.

سۋرەتكەر بالقاش وزە­نى­نىڭ وڭتۇستىك جاعاسىندا ور­نالاسقان بالىقشىلار اۋىلى­نا ارنالعان بىرقاتار كارتي­نا جازعان. بۇل جەرگە ءجيى شى­عارماشىلىق ىسساپارمەن كەلىپ تۇردى. باقساڭىز, اتالعان شى­عارماسىندا موتورلى قا­يىقپەن كەتىپ بارا جاتقان با­لىقشىنى بەينەلەيدى. ءبىر قا­راعاندا وتە جيناقى پورترەت, بالىقشىنىڭ تۇلعاسى ءمولدىر سۋعا قاراما-قارسى كورىنەدى. كەيىپكەردىڭ باس كيىمى مەن يى­عىنا اق تاڭ­با بولىپ تۇس­كەن كۇننىڭ جا­رىعى كول تول­قىندارىمەن اقتاڭداقتانىپ ادەمى كورىنىس سىيلايدى. كو­رەرمەننىڭ نازارى كۇنگە كۇيگەن, توتىققان جانە ءبىر قاراعاندا قاتال ءجۇزدى ەر كىسىنىڭ كەلبەتىنە تۇسەدى, ونىڭ بالىقشىعا ار­نال­عان برەزەنت پلاششىنىڭ جا­عاسىنان جەل ەسىپ تۇر.

ق.تەلجانوۆ كارتيناسىندا كونتراجۋر ءتاسىلىن قولدانعان. مۇندا جارىقتىڭ ساۋلەسى زات­تىڭ نەمەسە نىساننىڭ ارتىنان تۇ­سەدى. كونتراجۋر – جۇ­مىستىڭ سەزىمتالدىعى, ونىڭ بەينەلىگى. زاتتار سۇلبا, ۇلكەن تاڭبا بولىپ كورىنەدى. سونداي-اق ارتىق بولشەكتەردى كەسىپ تاس­­تايدى, بەينەلەردى جالپىلايدى, كەڭىستىكتى ەركىن سەزىنەسىز.

سۋرەتشى كەيىپكەرىنىڭ ايقىن بەت كەلبەتىن, قالىڭ ەرنىن, اجىمدەرىن, تىلىمدەلگەن اشىق ماڭدايىن, تەرەڭ ويلى كوزدەرىن ايقىن بەرگەن. سول ار­قىلى ول قىلقالام مەن بوياۋ­دىڭ كومەگىمەن قاراپايىم بەي­نەلەردىڭ ارتىندا تۇتاستاي الەم تۇرعانىن كورسەتەدى. كو­رەر­مەن ونەر تۋىندىسىن كو­رىپ قانا قويمايدى, سول سياقتى ويعا دا باتادى. كارتينادا سىرتقى قولايلىلىق, تاقىرىپپەن سىر­عۋ جوق. بۇل جەردە ءبىز ادامعا دەگەن ەموتسيونالدى تەرەڭ ءارى جىلى قاتىناستى كورەمىز.