قازاقستان پرەزيدەنتىنىڭ تۋعان كۇنىنە بايلانىستى شەت مەملەكەتتەردىڭ باسشىلارىنان, پارلامەنت توراعالارىنان, ۇكىمەت باسشىلارىنان جانە شەتەلدىك مەملەكەتتىك ورگانداردىڭ, حالىقارالىق ۇيىمدار مەن ديپلوماتيالىق ميسسيالاردىڭ, كوممەرتسيالىق مەكەمەلەردىڭ جەتەكشىلەرىنەن, شىعارماشىلىق جانە عىلىمي زيالى قاۋىم وكىلدەرىنەن قۇتتىقتاۋلار كەلىپ جاتىر, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
اتاپ ايتقاندا, رەسەي پرەزيدەنتى ۆلاديمير پۋتين, قحر توراعاسى سي تسزينپين, تۇركيا پرەزيدەنتى رەجەپ تايپ ەردوعان, بەلارۋس پرەزيدەنتى الەكساندر لۋكاشەنكو, قىرعىزستان پرەزيدەنتى سادىر جاپاروۆ, تۇرىكمەنستان حالىق ءماسليحاتىنىڭ توراعاسى گۋربانگۋلى بەردىمۇحامەدوۆ, كورەيا رەسپۋبليكاسىنىڭ پرەزيدەنتى يۋن سوك يول, رەسەي ۇكىمەتىنىڭ توراعاسى ميحايل ميشۋستين, رەسەي فەدەرالدى جينالىسى فەدەراتسيا كەڭەسىنىڭ توراعاسى ۆالەنتينا ماتۆيەنكو, رەسەي فەدەراتسياسى مەملەكەتتىك دۋماسىنىڭ توراعاسى ۆياچەسلاۆ ۆولودين, ەۋرازيالىق ەكونوميكالىق كوميسسيا القاسىنىڭ توراعاسى ميحايل مياسنيكوۆيچ, تۇركى مەملەكەتتەر ۇيىمىنىڭ باس حاتشىسى باعدات امىرەەۆ, تمد اتقارۋ كوميتەتىنىڭ توراعاسى – اتقارۋشى حاتشىسى سەرگەي لەبەدەۆ, تمد-عا مۇشە مەملەكەتتەردىڭ پارلامەنتارالىق اسسامبلەياسى كەڭەسىنىڭ باس حاتشىسى دميتري كوبيتسكي, ۇجىمدىق قاۋىپسىزدىك شارت ۇيىمىنىڭ باس حاتشىسى ستانيسلاۆ زاس جانە باسقالار قۇتتىقتاۋ جەدەلحاتتارىن جولدادى.
سونىمەن قاتار قاسىم-جومارت توقاەۆتى تۋعان كۇنىمەن وزبەكستان پرەزيدەنتى شاۆكات ميرزيوەۆ, تۇرىكمەنستان پرەزيدەنتى سەردار بەردىمۇحامەدوۆ, تاجىكستان پرەزيدەنتى ەمومالي راحمون جانە ازەربايجان پرەزيدەنتى يلحام اليەۆ تەلەفون ارقىلى قۇتتىقتادى.