پارلامەنت سەناتىنىڭ دەپۋتاتى مۇحتار قۇل-مۇحاممەد بىرىككەن ۇلتتار ۇيىمىنىڭ ورتالىق ازياداعى بوسقىندار ءىسى جونىندەگى جوعارعى كوميسسارى باسقارماسىنىڭ وكىلى حانس شوددەرمەن كەزدەستى.
حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى مۇحتار قۇل-مۇحاممەد ءوز سوزىندە قازاقستان كونستيتۋتسياسىنا وزگەرىستەر ەنگىزۋ جونىندەگى بيىلعى 5 ماۋسىمعا بەلگىلەنگەن الداعى رەفەرەندۋمنىڭ ماڭىزىن اتاپ ءوتتى.
«كونستيتۋتسياعا تۇزەتۋلەر سۋپەرپرەزيدەنتتىك باسقارۋ فورماسىنان ىقپالدى پارلامەنتى مەن ەسەپ بەرەتىن ۇكىمەتى بار پرەزيدەنتتىك رەسپۋبليكاعا تۇپكىلىكتى كوشۋدى بەكىتۋگە ارنالعان. كونستيتۋتسيالىق رەفورما بيلىكتىڭ وكىلدى تارماعىن ەداۋىر كۇشەيتىپ, تەجەمەلىك ءارى تەپە-تەڭدىك جۇيەسىن نىعايتۋعا ءتيىس. وسىعان بايلانىستى, الداعى رەفەرەندۋم ءاربىر ازاماتقا ەكىنشى رەسپۋبليكاعا كوشۋدى ايقىندايتىن تاريحي وقيعاعا تىكەلەي قاتىسۋعا مۇمكىندىك بەرەدى», دەپ اتاپ ءوتتى مۇحتار قۇل-مۇحاممەد.
مۇحتار قۇل-مۇحاممەد اڭگىمە بارىسىندا بۇۇ-مەن ىنتىماقتاستىق قازاقستاننىڭ سىرتقى ساياساتىنىڭ نەگىزگى باسىمدىعى ەكەنىن اتاپ ءوتتى. ول سونداي-اق ءبىزدىڭ ەلىمىز بۇۇ-نىڭ بوسقىندار قۇقىقتارىن ساقتاۋ مەن قورعاۋ سالاسىنداعى قۇندىلىقتارى مەن ماقساتتارىن قورعاۋ جونىندەگى جەتەكشى حالىقارالىق اگەنتتىك رەتىندە باسقارمانىڭ قىزمەتىن جوعارى باعالايتىنىن اتاپ ءوتتى.
حانس شوددەر ءوز كەزەگىندە ءبىزدىڭ ەلىمىزدىڭ وسى باعىتتا جۇرگىزىپ جاتقان جۇمىسىن جوعارى باعالادى جانە ادامداردىڭ قۇقىقتارىن قورعاۋ جونىندەگى بىرلەسكەن قىزمەت قازاقستان مەن بۇۇ اراسىنداعى قارىم-قاتىناستى جاقسارتىپ قانا قويماي, ولاردى جاڭا دەڭگەيگە كوتەرەتىنىن اتاپ ءوتتى.
ء«بىز اۋعانستانعا جاردەمدەسۋ جونىندەگى ميسسيانى جانە اۋعانستاندا تىركەلگەن بۇۇ-نىڭ باسقا دا اگەنتتىكتەرىن الماتىدا ۋاقىتشا ورنالاستىرعانى ءۇشىن قازاقستان باسشىلىعىنا ەرەكشە العىسىمىزدى بىلدىرەمىز. الماتىدا بۇۇ-نىڭ وڭىرلىك حابىن قۇرۋعا كەلەتىن بولساق, ول ورتالىق ازيا مەن اۋعانستانداعى باسقارما ىسىنە قارقىن بەرۋمەن قاتار قىزمەتىنىڭ ناتيجەلى بولۋىن ايتارلىقتاي ارتتىرادى», دەدى بۇۇ بوسقىندار ىستەرى جونىندەگى جوعارعى كوميسسارى باسقارماسىنىڭ وڭىرلىك وكىلى.