2022 جىلعى 12 مامىردا ورتالىق رەفەرەندۋم كوميسسياسى اقپارات جانە قوعامدىق دامۋ مينيسترلىگىمەن بىرلەسە وتىرىپ, رەسپۋبليكالىق رەفەرەندۋمعا دايىندىق جانە ونى وتكىزۋ ماسەلەلەرى بويىنشا قوعامدىق بىرلەستىكتەردىڭ وكىلدەرىنە ارنالعان وقىتۋ سەمينارىن وتكىزدى.
2022 جىلعى 12 مامىردا ورتالىق رەفەرەندۋم كوميسسياسى اقپارات جانە قوعامدىق دامۋ مينيسترلىگىمەن بىرلەسىپ, ونلاين رەجىمىندە قوعامدىق بىرلەستىكتەر وكىلدەرىنە ارنالعان وقىتۋ سەمينارىن وتكىزدى. جيىنعا 300 ادام قاتىستى.
ءىس-شارا بارىسىندا 2022 جىلعى 5 ماۋسىمعا تاعايىندالعان رەسپۋبليكالىق رەفەرەندۋم تۋرالى, «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى, رەسپۋبليكالىق رەفەرەندۋمدى دايىنداۋ مەن وتكىزۋ, قارجىلاندىرۋ, ۇگىت, ەلەكتوراتتىق وقىتۋدى ۇيىمداستىرۋ, داۋىس بەرۋدى بايقاۋ پروتسەسىنىڭ ەرەكشەلىكتەرى, سونداي-اق رەفەرەندۋم تۋرالى زاڭنامانى بۇزعانى ءۇشىن جاۋاپكەرشىلىك ماسەلەلەرى بويىنشا تۇسىنىكتەمەلەر بەرىلدى.
سەميناردىڭ سپيكەرلەرى رەتىندە ورتالىق رەفەرەندۋم كوميسسياسى تاراپىنان قر ورك توراعاسىنىڭ ورىنباسارى كونستانتين پەتروۆ, ورك مۇشەلەرى سابيلا مۇستافينا, اناستاسيا ششەگورتسوۆا جانە اسىلبەك سماعۇلوۆ ءسوز سويلەدى.
سونداي-اق سەميناردا ادىلەت ۆيتسە-ءمينيسترى الما مۇقانوۆا, اقپارات جانە قوعامدىق دامۋ ۆيتسە-ءمينيسترى دانيار كادىروۆ, باس پروكۋروردىڭ اعا كومەكشىسى ازامات سارعازين, اقدم اقپارات كوميتەتى توراعاسىنىڭ ورىنباسارى قانىبەك جۇماشەۆ ءسوز سويلەدى.
سەمينار اياسىندا وڭىرلەرمەن بەينەكونفەرەنتسيا بايلانىسى جانە «ازاماتتىق باستامالار ورتالىعى» YouTube ارناسىندا كەلەسى سىلتەمە بويىنشا ونلاين كورسەتىلىم ۇيىمداستىرىلدى.
سەمينار سوڭىندا ورتالىق رەفەرەندۋم كوميسسياسىنىڭ جانە ۋاكىلەتتى مەملەكەتتىك ورگانداردىڭ وكىلدەرى سەمينارعا قاتىسۋشىلاردىڭ سۇراقتارىنا تولىققاندى جاۋاپ بەردى.
ورتالىق رەفەرەندۋم كوميسسياسىنىڭ ەلەكتوراتتىق وقىتۋ اياسىنداعى بۇقارالىق اقپارات قۇرالدارىنىڭ باسشىلارىنا ارنالعان كەلەسى سەمينارى 2022 جىلعى 13 مامىردا وتەتىن بولادى.