پرەزيدەنت قاسىم-جومارت توقاەۆتىڭ جاڭا قازاقستان قۇرۋ تۋرالى باستاماسىنا ءۇن قوسىپ, «اق اتاش ازاماتتارى» قوعامدىق ۇيىمى بالىق سالاسىندا ەڭبەك ەتكەن ارداگەرلەردى ارداقتاۋ ماقساتىندا رۋحاني-مادەني ءىس-شارا وتكىزدى.
وعان تۇپقاراعان اۋدانىنىڭ تۇرعىندارىمەن قاتار, وبلىستىڭ باسقا اۋداندارىنا قونىس اۋدارعان بالىقشى ارداگەرلەر دە شاقىرىلدى. كەشكە قاراي قوناقتار جىرشى-انشىلەر ونەرىن تاماشالادى. كونتسەرتكە اۋدان كوركەمونەرپازدارىمەن بىرگە, وبلىستان كەلگەن ونەرپازدار دا قاتىستى. ءىس-شارانى «اق اتاش ازاماتتارى» قوعامدىق ۇيىمىنىڭ توراعاسى امانعالي اقىباەۆ كىرىسپە ءسوز سويلەپ اشىپ, قوناقتارعا قوش كەلدىڭ ايتتى. سودان كەيىن ومىردەن وزعان بالىقشى ارداگەرلەردىڭ رۋحىنا ارناپ تۇششىقۇدىقتان ارنايى كەلگەن ورىنجان ءابدىجاپاروۆ قۇران باعىشتادى.
ۇيىمداستىرۋ القاسى ارداگەرلەردى سالالىق «بالىقشى» مەدالىمەن ماراپاتتادى. مەرەكەلىك كونتسەرتتىڭ الدىندا قوي كوتەرۋ, گىر كوتەرۋ, قازاق كۇرەسى, ارقان تارتۋ سياقتى سپورتتىق ويىندار ۇيىمداستىرىلعان بولاتىن. مەرەكە سوڭىندا قوناقتارعا ارنايى اس بەرىلدى. وسى ارادا ايتا كەتەتىن جاعداي, ءىس-شارانى وتكىزۋگە جۇمسالعان قارجىنى جوعارىدا اتالعان قوعامدىق ۇيىمنىڭ مۇشەلەرى جينادى.
قالپەن ەسەتوۆ,
تۇپقاراعان اۋدانىنىڭ قۇرمەتتى ازاماتى
ماڭعىستاۋ وبلىسى