قاراعاندى وبلىستىق پوليتسيا دەپارتامەنتىنىڭ باستىعى ەرلان فايزۋللين مەملەكەت باسشىسىنىڭ «جوعارى اسكەري جانە ارنايى اتاقتار, سىنىپتىق شەندەر جانە بىلىكتىلىك سىنىپتارىن بەرۋ تۋرالى» جارلىعى بويىنشا گەنەرال-مايور شەنىن الدى, دەپ جازادى Egemen.kz.
ەرلان جۇماسەيىت ۇلى فايزۋللين قاراعاندى وبلىسى بويىنشا پوليتسيا دەپارتامەنتىندەگى قىزمەتىن باسشىنىڭ ءبىرىنشى ورىنباسارى بولىپ 2018 جىلدان باستاعان. ال 2019 جىلدىڭ مامىر ايىنان بەرى ول قاراعاندى وبلىستىق پوليتسيا دەپارتامەنتىن باسقارىپ كەلەدى.
سالتاناتتى راسىمگە قاتىسۋشىلاردى وتان قورعاۋشى كۇنىمەن جانە جەڭىس مەيرامىمەن قۇتتىقتاعان پرەزيدەنت قاسىم-جومارت توقاەۆ ەلىمىزدىڭ قاۋىپسىزدىگىن قامتاماسىز ەتۋ ىسىندە اسكەري قىزمەتشىلەر مەن ارناۋلى مەملەكەتتىك ورگاندار قىزمەتكەرلەرىنىڭ قوسىپ جۇرگەن ۇلەستەرىنىڭ مول ەكەندىگىن ەرەكشە اتاپ ءوتتى.