برازيليادا XXIV سۋردليمپيادا ويىندارى ءوتىپ جاتىر. وعان الەمنىڭ 100 ەلىنەن 21 سپورت تۇرىنەن 3500 سپورتشى قاتىسىپ جاتىر. ونىڭ ىشىندە قازاقستان قۇراماسى 9 سپورت تۇرىنەن 65 سپورتشىسىن اتتاندىردى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
ەلوردا اتىنان نۇر-سۇلتان قالاسى اكىمدىگىنىڭ «بالالار-جاسوسپىرىمدەر سپورت مەكتەبىنىڭ, مۇگەدەك سپورتشىلارعا ارنالعان سپورت مەكتەبىنىڭ» سپورتشىلارى سابىرجان حاپيزوۆ (دزيۋدو), ۆلاديمير نەستەروۆ (تەننيس), الىشەر تالعاتوۆ ء(جۇزۋ) ونەر كورسەتەدى.
بۇگىن ەل قۇراماسىنىڭ قورجىنىنا ەلوردالىق دزيۋدوشى سابىرجان حاپيزوۆ قولا مەدال سالدى.
«مەن ءوز جەڭىسىمە وتە قۋانىشتىمىن, ءبىرىنشى كەزەكتە ءۇمىت ارتىپ كەلگەن جاتتىقتىرۋشىما العىس ايتقىم كەلەدى. ماعان سپورت ۇنايدى جانە وعان ۋاقىتىمدى ارنايمىن, ەندى الداعى جارىستارعا ودان دا كۇشتى جانە سەنىمدى دايىندالامىن», دەپ قۋانىشىمەن ءبولىستى سابىرجان.
جازعى سۋردليمپيادا ويىندارى 15 مامىرعا دەيىن جالعاسادى, سپورتشىلارىمىزعا تابىس پەن جەڭىس تىلەيمىز.