ورتالىق ازيانىڭ يگىلىگىنە اينالدى

اstana نub ءىت-ستارتاپتار حالىقارا­لىق تەحنوپاركى الاڭىندا Demo Day شەڭ­بەرىندە مۇعالىمدەرگە ارنالعان ونلاين-ءبىلىم بەرۋ باعدارلاماسى جانە تۇراقتى دامۋ ماقساتتارىنا قول جەتكىزۋ ءۇشىن ءبىلىم مەن ينفراقۇرىلىمعا تەڭ قولجەتىمدىلىك­تى قامتاماسىز ەتۋگە ىقپال ەتەتىن تابىستى ستارتاپ-جوبالار ۇسىنىلدى. جوبالاردىڭ ءبىرى – قوزعالىسى شەكتەۋلى جانە ەرەكشە قاجەتتىلىكتەرى بار ادامدار ءۇشىن قوعام­دىق نىسانداردىڭ قولجەتىمدىلىگىن كورسە­تەتىن «قولجەتىمدى قازاقستان» سايتى مەن قوسىمشاسى.

الەمگە تانىمال تسيفرلى قوعامدىق يگىلىك 2015 جىلى تandau Foundation قوعام­دىق قورىنىڭ كومانداسى «قولجەتىمدى پاۆلودار» اتتى جوبانى باستاعان كەزدە پايدا بولعان. ناتيجەسىندە, پاۆلودار تۇرعىندارىندا نىساندى شەرتۋ ارقىلى ونىڭ مۇگەدەكتىگى بار ادامدار ءۇشىن قانشا­لىقتى قولجەتىمدى ەكەندىگىن كورسەتەتىن ارنايى كارتا پايدا بولدى. 2016 جىلى باس­تاما بۇكىل پاۆلودار وبلىسىن قامتىدى. ال كەلەسى جىلى وعان الماتى وبلى­سى قوسىلىپ, جوبا «قولجەتىمدى قازاق­ستانعا» اينالدى. بۇۇ بالالار قورى­نىڭ (يۋنيسەف) جانە Astana Hub-تىڭ قول­داۋىمەن بۇگىندە جوبا بۇكىل ەل بويىنشا 15 قوعامدىق ۇيىم مەن 500 ەرىكتىنى بىرىكتىرىپ وتىر. ال https://doskaz.kz/ كارتاسىندا قازاقستاننىڭ 22 قالاسىنداعى 21 737 ورىننىڭ قولجەتىمدىلىگى بويىنشا اقپارات كورسەتىلگەن.

كارتانى پايدالانۋشىلار قوزعالىسى شەكتەۋلى جانە ەرەكشە قاجەتتىلىكتەرى بار ادامدارعا (مۇگەدەكتىگى بار ادامدار, اربا­داعى كىشكەنتاي بالالارى بار اتا-انا­لار, قارتتار, جۇكتى ايەلدەر, ۋاقىتشا جارا­قاتتانعان ادامدار, 7 جاسقا دەيىنگى بالالار) ارنالعان سەرۆيستى پايدالانۋ ارقىلى بارىنشا قولجەتىمدى جانە قاۋىپسىز باعىتتى جوسپارلاي الادى. سونداي-اق تاڭدالعان نىسانعا بارۋ قانشالىقتى قولجەتىمدى جانە قاۋىپسىز ەكەندىگىن بىلۋگە مۇمكىندىك بار.

«قولجەتىمدى قازاقستان» بۇۇ ماق­ۇل­داعان تسيفرلى قوعامدىق يگىلىكتەر اليان­­سىنىڭ تەكسەرۋىنەن ءوتىپ, بۇكىل الەمگە قولجەتىمدى جاھاندىق يگىلىكتەر تىزى­لى­مىنە قوسىلدى. مۇنداي تىزىمگە قوسىلۋ جاھاندىق ماسە­لە­لەردى شەشۋگە مۇمكىندىك بەرەتىن اشىق جوبا­لاردىڭ كورىنۋىن جانە تانىمالدى­لى­عىن ارتتىرادى. تسيفرلى قوعامدىق يگىلىك اتانۋ ءۇشىن جوبالاردىڭ بارلىعى ءتيىستى ستاندارتقا سايكەس كەلۋى كەرەك. بۇل ولاردىڭ اشىق باستاپقى كود پرينتسيپتەرىن ۇستاناتىنىنا كەپىلدىك بەرەدى. ءتىزىلىم ء«بىر تەرەزە» قاعيداسى بويىنشا جۇمىس ىستەي­دى. ياعني اشىق تسيفر­لى تەحنولوگيالارعا – قوسىم­شالارعا, دەرەكتەردى ۆيزۋالداۋ قۇرالدارىنا, ءبىلىم بەرۋ باعدارلامالا­رىنا تۇراقتى دامۋ ماقساتتارىنا تەز قول جەتكىزۋ ءۇشىن تەگىن بەيىمدەۋ جانە پايدالانۋ جونىندەگى ەڭ از تالاپتارمەن قولدانۋ مۇمكىندىكتەرىن بەرەدى.

– ءبىز ورتالىق ازياداعى العاشقى تسيفر­­لى قوعامدىق يگىلىكتىڭ قازاقستان­نىڭ جو­باسى بولعانىنا وتە قۋانىشتىمىز. «قول­جەتىمدى قازاقستان» اسا ماڭىزدى ماق­ساتتى كوزدەيدى. ياعني قاجەتتىلىكتەر مەن مۇمكىندىكتەرگە قاراماستان, بارلىعى ءۇشىن كەدەرگىسىز ورتانى قامتاماسىز ەتۋ. جوبا وبەكتىلەردى كارتاعا ءتۇسىرىپ قانا قويماي, سونىمەن قاتار مۇددەلەستەردىڭ ۇلكەن توبىن بىرىكتىرەدى, بالالار مەن مۇگەدەك­تىگى بار ادامدار ءۇشىن قولجەتىمدى جانە قاۋىپ­سىز ورتانى قامتاماسىز ەتۋدى ىلگەرىلەتەدى. كەز كەلگەن ۇيىم Tandau Foundation-عا جۇگىنىپ, ءوز نىسانىندا قولجەتىمدى جانە قاۋىپسىز ينفراقۇرىلىمدى قالاي قۇرۋ تۋرالى كەڭەس الا الادى, – دەيدى قازاقستانداعى يۋنيسەف وكىلىنىڭ ورىنباسارى لەتيسيا باززي-ۆەيل.

يۋنيسەف پەن Astana Hub-تىڭ تاعى ءبىر بىرلەسكەن جوباسى – https://okoo.kz پلاتفورماسىندا ىسكە قوسىلعان ينكليۋزيۆتى ارالاس ءبىلىم بەرۋ بويىنشا مۇعالىمدەرگە ارنالعان ونلاين-كۋرس. يۋنيسەف پەن Astana Hub 2021 جىلى جۇرگىزگەن ساۋالداماعا سايكەس, سۇرالعان ون مۇعالىمنىڭ تەك تورتەۋى (40 پايىزى) ينكليۋزيۆتى ءبىلىم بەرۋ بويىنشا جالپى تۇسىنىككە يە. بۇل رەتتە ساۋالداماعا قاتىسقان مۇعالىمدەردىڭ باسىم كوپشىلىگى (73 پايىزى) ينكليۋزيۆتى ءبىلىم بەرۋ تۋرالى ءوز ساۋاتتىلىقتارىن ارتتىرعىسى كەلە­تىنىن مالىمدەدى. كەم دەگەندە, ءاربىر بەسىنشى (27 پايىزى) مۇعالىم قاشىقتان وقىتۋدا قولدانىلاتىن باعدارلامالار مەن قوسىمشالاردىڭ مۇمكىندىكتەرىن تولىق پايدالانۋ ءۇشىن ءبىلىمى مەن داعدىلارى جەتكىلىكسىز دەپ سانايدى. ينكليۋزيۆتى جانە ارالاس ءبىلىم بەرۋ سالاسىنداعى مۇعا­لىمدەردىڭ ءبىلىمى مەن داعدىلارىن ارتتىرۋ ءۇشىن يۋنيسەف Astana Hub-پەن بىرلەسىپ تسيفرلى ينكليۋزيۆتى ءبىلىم بەرۋ كۋرسىن وتكىزىپ, قازاقستاننىڭ 11 وڭىرىنەن 11 مىڭ­نان استام مۇعالىمدى وقىتىپ شىعاردى. كۋرس بارىسىندا مۇعالىمدەر ەرەكشە ءبىلىم بەرۋ قاجەتتىلىكتەرى بار بالالاردى انىقتاۋ ادىستەرى بويىنشا بىلىمدەرىن مولايتىپ, مەكتەپتە ينكليۋزيۆتى ورتا قۇرۋدىڭ جاڭا ادىستەرى, ەمپاتيا داعدىلارى جانە ونلاين-وقىتۋ قۇرالدارىمەن جۇمىس ىستەۋ تۋرالى ءبىلىم الدى. قازىرگى ۋاقىتتا ونلاين-كۋرس مۇعالىمدەر ءۇشىن https://okoo.kz/ سايتىندا قولجەتىمدى.

– بۇگىنگى تاڭدا IT-تەحنولوگيالاردى پايدالانۋ ەرەكشە قاجەتتىلىكتەرى بار بالالار ءۇشىن ءبىلىمنىڭ قولجەتىمدىلىگىن ارتتىرىپ قانا قويماي, وقىتۋ پروتسەسىن ينتەراكتيۆتى, جارقىن, قىزىقتى, ساپالى ەتەدى. 2021 جىلدىڭ جەلتوقسانىندا Astana Hub پەن يۋنيسەف قازاقستاندا مۇعالىمدەردى وقى­تۋ باعدارلاماسىن ىسكە قوستى جانە ءبىز العاشقى ناتيجەلەردى جاريالاۋعا دا­يىن­بىز. ءبىز ءۇشىن بۇكىل ەلدەگى مۇعالىمدەر ءبىر جاعىنان قاراپايىم جانە قولدانۋعا ىڭعايلى, ال ەكىنشى جاعىنان بالالاردى شى­نىمەن قىزىقتىرۋعا كومەكتەسەتىن وقىتۋ قۇرالدارىن قولدانۋدى ۇيرەنۋى وتە ماڭىزدى. بىزدىڭشە, زاماناۋي تەحنولو­گيالار وقىتۋدىڭ بارلىق قاتىسۋشىسى­نا پروتسەستى جەڭىلدەتىپ قولدانىلۋعا ءتيىس, – دەيدى Astana Hub-تىڭ باس ديرەكتورى ماعجان ماديەۆ.

ەسكە سالا كەتەيىك, تسيفرلى قوعامدىق يگىلىكتەر اليانسى (Digital public Goods Alliance) – بۇۇ باس حاتشىسى ماقۇلدا­عان جانە تسيفرلىق قوعامدىق يگىلىكتەردى اشۋ­عا, ازىرلەۋگە, پايدالانۋعا جانە ينۆەس­تيتسيالاۋعا جاردەمدەسۋ ارقىلى تابىسى تومەن جانە ورتا دەڭگەيدەگى ەلدەردە تۇراقتى دامۋ سالاسىنداعى ماقساتتار­عا قول جەتكىزۋدى جەدەلدەتۋگە باعىتتالعان كوپ­­جاقتى باستاما.