ەلوردا اكىمدىگى الەۋمەتتىك ماڭىزى بار ونىمدەردىڭ باعاسىن تۇراقتاندىرۋ ءۇشىن بىرقاتار جۇمىس جۇرگىزىپ جاتىر, دەپ حابارلايدى Egemen.kz نۇر-سۇلتان قالاسى اكىمدىگىنىڭ ءباسپاسوز قىزمەتىنە سىلتەمە جاساپ.
اتاپ ايتقاندا «اينالىم تەتىگى» جوباسى بويىنشا تاۋار وندىرۋشىلەرمەن تىكەلەي جەتكىزۋگە قوسىمشا شارتتار جاسالدى. ەندى جىل بويى جارمەڭكەلەر (پريگورودنىي تم, ارناساي ك-ءسى, 109), ساۋدا ۇستەمەسىنىڭ ساقتالۋىن باقىلاۋ جانە ت. ب. جۇمىستار تۇراقتى جۇرگىزىلەدى.
قالا اكىمدىگى تۇركىستان وبلىسىنان شامامەن 3 مىڭ توننا ەرتە پىسەتىن كوكونىس ەكسپورتتادى. ءبىرىنشى پارتيا جەتكىزىلدى. ولاردىڭ باعاسى نارىقتىق باعادان 15% - عا تومەن بولادى. وسى كوكونىستەردى بىرقاتار بولشەك ساۋدا جەلىلەرىنەن ساتىپ الۋعا بولادى. ولار: فەرماگ, استىقجان, اقمول, ۆكۋسمارت, انۆار. سونداي-اق Small دۇكەنىنىڭ جەلىسىمەن كەلىسىم-شارت جاسالۋى مۇمكىن.
ءبىرىنشى سۇرىپتى ۇننان پىسىرىلگەن نان باعاسىن تۇراقتاندىرۋ ءۇشىن «ازىق-ت ۇلىك كەلىسىم شارت كورپوراتسياسى» ۇك» اق-مەن 9 مىڭ توننادان استام استىق جەتكىزۋ تۋرالى مەموراندۋمعا قول قويىلدى.
ايتا كەتسەك, نۇر-سۇلتان قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسى الەۋمەتتىك ماڭىزى بار ازىق-ت ۇلىك تاۋارلارىنىڭ باعالارىن رەتتەۋ بويىنشا ءىس-شارالار جۇرگىزۋدە. ولارعا ساۋدا ۇستەمەسى تاۋار وندىرۋشىدەن نەمەسە كوتەرمە جەتكىزۋشىدەن ساتىپ الۋ باعاسىنىڭ 15% - ىنان اسپاۋى ءتيىس. كوميسسيا ساۋدا ۇستەمەسىنىڭ شەكتى مولشەرىنىڭ ساقتالۋىنا باقىلاۋدى جۇزەگە اسىرادى. زاڭ بۇزۋشىلىقتار بولعان جاعدايدا, ساۋدا سۋبەكتىلەرى جاۋاپكەرشىلىككە تارتىلادى. قايتا بۇزىلعان جاعدايدا, ساۋدا سۋبەكتىلەرىنە, شاعىن كاسىپكەرلىك سۋبەكتىلەرىنە – 10 اەك, ورتا كاسىپكەرلىك سۋبەكتىلەرىنە – 75 اەك, ءىرى كاسىپكەرلىك سۋبەكتىلەرىنە-300 اەك مولشەرىندە ايىپپۇل سالىنادى.
ازىق-ت ۇلىك ونىمدەرىنە باعانىڭ نەگىزسىز ءوسۋى تۋرالى ءوتىنىشتى باسقارما مەكەنجايىنا ەلەكتروندىق ۇكىمەت پورتالى ارقىلى نەمەسە بەيبىتشىلىك كوشەسى, 11, № 113 كابينەت مەكەنجايى بويىنشا جىبەرۋگە بولادى.