2022 جىلى قاراعاندى وبلىسىنىڭ ەمحانالارىنا مەكتەپتەر مەن بالاباقشالاردا مەديتسينالىق كومەك ۇيىمداستىرۋعا 1 ملرد 601 ملن تەڭگە ءبولۋ جوسپارلانعان, دەپ حابارلايدى Egemen.kz.
وقۋ جانە تاربيە مەكەمەلەرىنە بەكىتىلگەن ەمحانالار بالالاردىڭ دەنساۋلىعىن ساقتاۋ جانە نىعايتۋ, ولاردىڭ اراسىندا سىرقاتتانۋشىلىقتى ازايتۋ جونىندەگى ءىس-شارالاردى جۇرگىزەدى.
مىسالى, پريشاحتينسكىدەگى ەمحانانىڭ بىرىنە 8 مەكتەپ تىركەلگەن. ولاردىڭ ارقايسىسىندا مەدپۋنكت جابدىقتالعان. وندا جىل بويى پروفيلاكتيكالىق ەگۋلەر مەن قاۋىپ توبىنداعى بالالارعا تۋبەركۋلين دياگنوستيكاسى جوسپارلانعان. مەكتەپ وقۋشىلارىنا تەرەڭدەتىلگەن مەديتسينالىق تەكسەرۋ ۇيىمداستىرىلعان. سونداي-اق مەدبيكەنىڭ مىندەتىنە پەداگوگتەر ۇجىمىنا, مەكتەپ قىزمەتكەرلەرىنە جانە اسحانا قىزمەتكەرلەرىنە جۇمىسقا رۇقسات الۋ ءۇشىن سانيتارلىق كىتاپشالاردى باقىلاۋ كىرەدى.
«مەكتەپتەردەگى بارلىق مەديتسينا قىزمەتكەرلەرى مامان سەرتيفيكاتىنا يە, ء«بىلىم بەرۋ وبەكتىلەرىنىڭ مەيىربيكەسىنىڭ شۇعىل كومەك كۋرسىمەن جۇمىسى» ماماندىعى بويىنشا بىلىكتىلىكتى ارتتىرۋ كۋرستارىندا وقۋدان ءوتتى, سونداي-اق جىل سايىن پروفيلاكتيكالىق ەگۋلەردى جۇرگىزۋگە جانە مانتۋ رەاكتسياسىنىڭ سىناماسىن قويۋعا رۇقسات بەرۋمەن اتتەستاتتاۋ وتكىزىلەدى», دەيدى ەمحانا باسشىسى ينديرا مادياروۆا.
وقۋ جىلىنىڭ باسىنان باستاپ ەمحانا ماماندارى ءبىر جارىم مىڭعا جۋىق مەكتەپ وقۋشىسىن تەكسەردى, 88 بالا نەۆروپاتولوگتىڭ تولىق تەكسەرۋىنە جىبەرىلدى, 242 بالا ەندوكرينولوگتىڭ ۇسىنىمى بويىنشا تەكسەرۋدەن ءوتۋى ءتيىس.
ايانا توعانبەك