سينوپتيكتەر 27 ساۋىرگە ارنالعان اۋا رايى بولجامىن جاريالادى, دەپ حابارلايدى Egemen.kz.
«رەسپۋبليكا اۋماعىنىڭ باسىم بولىگىندە اشىق, جاۋىن-شاشىنسىز اۋا رايى بولادى, تەك ەلىمىزدىڭ سولتۇستىگىندە, وڭتۇستىگىندە, وڭتۇستىك-شىعىسىندا جاڭبىر, جامبىل وبلىسىنىڭ تاۋلى اۋداندارىندا قاتتى جاڭبىر جاۋادى. قازاقستان بويىنشا جەل كۇشەيىپ, قازاقستاننىڭ وڭتۇستىك-باتىسىندا شاڭدى داۋىل سوعىپ, وڭتۇستىك وڭىرلەردە نايزاعاي وينايدى, داۋىل سوعادى», دەلىنگەن «قازگيدرومەت» رمك حابارلاماسىندا.
تۇركىستان وبلىسىنىڭ تاۋلى, تاۋ بوكتەرلى اۋداندارىندا نايزاعاي, داۋىل بولىپ, جەل 15-20 م/س كۇشەيەدى.
جامبىل وبلىسىنىڭ وڭتۇستىگىندە, سولتۇستىك-شىعىسىندا, تاۋلى اۋداندارىندا نايزاعاي, بۇرشاق بولىپ, تاۋلى اۋدانداردا جەل 15-20 م/س كۇشەيەدى.
كۇندىز قىزىلوردا وبلىسىنىڭ ورتالىعىندا, ماڭعىستاۋ وبلىسىنىڭ وڭتۇستىگىندە, ورتالىعىندا جەل 15-20 م/س كۇشەيىپ, شاڭدى داۋىل سوعادى.
كۇندىز سولتۇستىك قازاقستان وبلىسىنىڭ باسىم بولىگىندە, قوستاناي وبلىسىنىڭ سولتۇستىگىندە, باتىس قازاقستان وبلىسىنىڭ وڭتۇستىك-باتىسىندا, اتىراۋ وبلىسىنىڭ باتىسىندا, ورتالىعىندا, الماتى وبلىسىنىڭ شىعىسىندا جەل 15-22 م/س كۇشەيەدى.
باتىس قازاقستان وبلىسىنىڭ وڭتۇستىگىندە, اقتوبە وبلىسىنىڭ سولتۇستىگىندە, ورتالىعىندا, پاۆلودار وبلىسىنىڭ ورتالىعىندا توتەنشە ءورت قاۋپى ساقتالادى.