“دوڭگەلەك ۇستەل” ارقاۋى – ء“بىرىنشى”

ماحامبەت وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتى ساياسي عىلىمدار دوك­تورى, پروفەسسور قر پرەزيدەنتى كەڭسەسىنىڭ باسشىسى ماحمۇت قاسىمبەكوۆتىڭ ء“بىرىنشى” كىتابى جونىندە “دوڭگەلەك ۇستەل” ۇيىم­داس­تىردى. بۇل كىتاپتا قازاقستان رەسپۋبليكاسىنىڭ تۇڭعىش پرە­زيدەنتى نۇرسۇلتان نازارباەۆتىڭ تاعىلىمدى ءومىر جولى مەن قالت­قىسىز قىزمەتى جونىندە جازىلعان وچەركتەر توپتاستىرىلعان. “دوڭگەلەك ۇستەلگە” قاتىسۋ­شى­لار كىتاپقا جەلى بولىپ تارتىلعان ماتەريالداردىڭ مازمۇنى تەرەڭ, ناقتى ءارى دايەكتى ەكەنىن, سونىمەن بىرگە, شىندىقپەن استاسىپ جات­قا­نىن اتاپ ءوتتى. اسىرەسە, ء“بىرىن­شى­گە” توپتاستىرىلعان ارحيۆتىك نە­گىز­دەگى ماتەريالدار مەن قۇجاتتار كىتاپتىڭ قۇندىلىعىن ودان ءارى كوتەرە تۇسكەن. كىتاپ اۆتورى م.قا­سىمبەكوۆ بىرنەشە جىلدارعا سوزىلعان باقىلاۋلاردىڭ نەگىزىندە نۇرسۇلتان ءابىش ۇلىنىڭ ۇلتتىڭ كوشباسشىسى رەتىندەگى ءبىتىم-بول­مىسىن, ازاماتتىق كەسكىن-كەلبە­تىن ءارى ادامي ىزگى قاسيەتتەرىن شەبەر اشا بىلگەن. سونىمەن بىرگە, بۇل ەڭبەكتە ەلباسىنىڭ كۇندەلىكتەرى, وتباسى­لىق سۋرەتتەرى, تانىمال تۇلعا­لار­دىڭ مەملەكەت باسشىسى ءجونىن­دەگى وي-پىكىرلەرى ەنگىزىلگەن. ء“دوڭ­گەلەك ۇستەلگە” ارنايى قاتىسقان باتىس قازاقستان وبلىستىق ىشكى ساياسات باسقارماسىنىڭ باستىعى ءتى­لەكقابىل يماشەۆ كىتاپتىڭ ستۋدەنتتەر ءۇشىن دە پايداسى مول ەكەنىنە توقتالىپ, ەلباسىنىڭ جەكە ءومىرى ولارعا اركەز ۇلگى-ونەگە بولا الاتىنىن اتاپ ءوتتى. ال “كونفەسسيالىق تولەرانت­تى­لىق يدەياسى” تاقىرىبىندا اڭگىمە قوزعاعان تاريح عىلىم­دارى­نىڭ كانديداتى, دوتسەنت اعي­لا نۇرعا­ليەۆا ەتنوستار اراسىن­داعى بىرلىك پەن ىنتىماقتى جانە ءداستۇرلى ءدىني باعىتتاردى قالىپ­تاس­تىرۋدا قازاقستاننىڭ كوشباس­شى­سى نۇرسۇلتان نازارباەۆتىڭ اتقارىپ كەلە جاتقان ەڭبەگى مەن ءرولى زور ەكەنىن جاستار مەن ستۋدەنتتەردىڭ جۇرەكتەرىنە جەتكىزە ايتتى. تەمىر قۇسايىن, ورال.