قازاقستاندىق تەننيسشى ىستانبۇلدا توپ جاردى

قازاقستاندىق تەننيسشى باستاپقى كەزدەسۋىن الەمنىڭ 57-راكەتكاسى, پولشا وكىلى ماگدا لينەتپەن وتكىزدى.

بۇعان دەيىن قارسىلاستار بەس رەت كەزدەسىپ, سونىڭ تورتەۋىندە م.لينەتت جەڭگەن ەدى. بۇل جولى ءبىرىنشى پارتيادا پۋتينتسەۆا 4:1 ەسەبىمەن العا وزدى. پولياك قىزى دا قالىسپاي, تارازى باسىن تەڭەستىرگەنىمەن, قازاقستاندىق تەننيسشى تاي-برەيكتە ءساتتى ويىن كورسەتتى. ەسەپ - 7:6 (8:6).

ال ەكىنشى سەتتە يۋليا 6:4 ەسەبىمەن باسىم ءتۇستى.

ەكى ساعاتقا سوزىلعان تارتىستا پۋتينتسەۆا 1 ەيسپەن بىرگە 9 برەيك-پوينتتىڭ بەسەۋىن پايدالانا ءبىلدى.

ەندى جارىستىڭ شيرەك فينالىنا شىعۋ ءۇشىن قازاقستاندىق سپورتشى الەمنىڭ 76-راكەتكاسى, شۆەتسيالىق رەبەككا پەتەرسونمەن ايقاسادى.

ايتا كەتسەك, ول الەمنىڭ 23-ءىنشى, وسى دودانىڭ 1-راكەتكاسى, بەلگيالىق ەليزە مەرتەنستى جولدان تايدىرعان ەدى.