ەل يگىلىگىنە ارنالعان پارتيالىق باستامالار

باسقوسۋلار بارىسىندا جاڭا قازاقستاندى قۇرۋ مىندەتتەرىنە سايكەس جولداۋدى ىسكە اسىرۋ جانە پارتيانى جاڭعىرتۋ ماسەلەلەرى تالقىلاندى. سونىمەن قاتار اتقارۋشى حاتشى «ارداگەرلەردى ارداقتايىق!» جانە «كەدەرگىسىز كەلەشەك» پارتيالىق جوبالارى اياسىندا وتكەن ءىس-شارالارعا قاتىستى.

ابايدىڭ «جيدەباي-ءبورىلى» قورىق-مۇراجايىندا اباي اۋدا­نىنىڭ اقساقالدارىمەن جۇز­دەسكەن ا.ورالوۆ: «مەملەكەت باس­شى­سى جولداۋدا ءۇش جاڭا وبلىس قۇرىلاتىنىن ايتتى. اباي وبلى­سىنىڭ ورتالىعى سەمەي قالاسى بولادى. بۇل تاريحي ءارى ادىلەتتى شەشىم, ەڭ الدىمەن, ءوڭىردىڭ دامۋىنا قۋاتتى سەرپىن بەرىپ, ونىڭ تۇرعىندارى ءۇشىن جاڭا مۇم­كىن­دىكتەرگە جول اشادى», دەدى. ال اقىن, قازاقستان جازۋشىلار وداعىنىڭ مۇشەسى تولەگەن جان­عاليەۆ سەمەيلىكتەردىڭ بۇل شەشىم­دى كوپتەن كۇتكەنىن اتاپ ءوتتى. «پرە­زي­دەنتتىڭ اباي وبلىسىن قۇرۋ جونىندەگى شەشىمىنە ايرىقشا قۋاندىق. بۇل شەشىم – مەم­لەكەت باسشىسىنىڭ حاكىم ابايعا جانە شىعىس جۇرتىنا دەگەن قۇر­مەتىنىڭ بەلگىسى», دەدى ول.

سەمەي قالاسىندا ۇيىم­داس­تىرىلعان زيالى قاۋىممەن كەزدەسۋدە تاريحي مۇرانى ساقتاۋ, تاريحي-مادەني ەسكەرتكىشتەردى قالپىنا كەلتىرۋ جانە ونەردى دامىتۋ ماسەلەلەرى دە ءسوز بولدى. فيلولوگيا عىلىمدارىنىڭ دوكتورى, پروفەسسور اراپ ەسپەنبەتوۆ سوزىندە اباي وبلىسىن قۇرۋ – جاڭا قازاقستاندى قۇرۋعا, ونىڭ ىشىندە رۋحاني, مادەني, الەۋ­مەتتىك, ەكونوميكالىق اسپەك­تى­لەر­گە قو­ماقتى ۇلەس قوساتىنىنا سەنىم ءبىلدىردى.

جۇمىس ساپارى اياسىندا اتقا­رۋشى حاتشى 100 جاستاعى سوعىس ارداگەرى الەكساندر اتاۆين, پار­تيا ارداگەرلەرى – ورالحان سار­تاەۆ پەن ۆلاديمير ءحاليننىڭ ۇيلەرىنە ارنايى ات باسىن بۇر­دى. ەستەرىڭىزگە سالا كەتەيىك, اعا بۋىنعا قامقورلىق جاساۋ ماق­ساتىندا 2014 جىلدان باستاپ «ارداگەرلەردى ارداقتايىق!», پارتيالىق جوباسى جۇزەگە اسىپ كەلەدى. وسى ۋاقىت ارالىعىندا ەل اۋماعىندا بەلسەندى ۇزاق ءومىر ءسۇرۋدىڭ 45 ورتالىعى اشىلىپ, وندا 60 مىڭنان استام زەينەتكەر بوس ۋاقىتىن وتكىزەدى. بۇدان سوڭ پارتيانىڭ اتقارۋشى حاتشىسى Gold King سپورتتىق-ساۋىقتىرۋ كەشەنىندە پاراسپورتشىلارمەن جۇزدەسىپ, «كەدەرگىسىز كەلەشەك» پارتيالىق جوباسى اياسىندا ەرەكشە قاجەتتىلىكتەرى بار ادامداردى قولداۋ جانە قولجەتىمدى قالالىق ورتا قۇرۋ ماسەلەلەرىن تالقىلادى.

شىعىس قازاقستان وبلىسىنىڭ پارتيا اكتيۆىمەن كەزدەسۋ كەزىندە ا.ورالوۆ Amanat-تى جاڭعىرتۋدىڭ باسىمدىقتارىنا كەڭىرەك توقتالدى. بۇگىندە وڭىردە 300-گە جۋىق باستاۋىش پارتيا ۇيىمىنا بىرىكتىرىلگەن 52 مىڭنان استام پارتيا مۇشەسى بار. بارلىق دەڭگەيدەگى ءماسليحاتتار دەپۋتاتتارىنىڭ 85 پايىزدان استامى – Amanat پارتياسىنىڭ وكىلى. 104 اۋىلدىق وكرۋگتە وتكەن سايلاۋ قورىتىندىسى بويىنشا پارتيانىڭ اتىنان قاتىسقان كانديداتتاردىڭ 82%-ى جەڭىسكە جەتكەن. جىل باسىنان بەرى شىعىس قازاقستان وبلىسى بويىنشا پارتيانىڭ قوعامدىق قابىلداۋ بولمەلەرىنە 2,5 مىڭنان استام ءوتىنىش كەلىپ تۇسسە, حالىقتىڭ باسىم كوپشىلىگى الەۋمەتتىك قولداۋ, جەر تەلىمدەرىن ءبولۋ, تۇرعىن ءۇي-كوممۋنالدىق شارۋاشىلىق ماسەلەلەرىن كوتەرگەن.

بەلسەندى جاستارمەن كەزدەسۋ كەزىندە وسكەلەڭ ۇرپاقتى جەرگىلىكتى جەرلەردە تولعاندىراتىن وزەكتى ماسەلەلەر تالقىلاندى. بۇگىندە وبلىستاعى جاس دەپۋتاتتار كورپۋسىندا Amanat پارتياسىنا مۇشە 35 جاسقا دەيىنگى 43 وتانداسىمىز بار.