قازاقستان فۋتبول فەدەراتسياسىنىڭ قابىرعاسىندا ەلىمىزدە فۋتزالدى دامىتۋ بويىنشا وتكەن جيىندا قازاقستاندا كاسىپقوي فۋتزال ليگاسىن قۇرۋ تۋرالى ۇسىنىس ءبىراۋىزدان قابىلداندى. شەشىمدى فۋتزالدان OLIMPBET-قازاقستان چەمپيوناتىنىڭ بارلىق كلۋبتارى قولدادى.
ليگا پرەزيدەنتى لاۋازىمىنا اسقار ابىلداەۆ سايلاندى. ول بۇعان دەيىن قازاقستان فۋتبول فەدەراتسياسىنىڭ فۋتزال دەپارتامەنتىن باسقارعان بولاتىن. ۇيىمنىڭ نەگىزگى قىزمەتى – فۋتزالدان ىشكى جارىستاردى ۇيىمداستىرۋ. اتاپ ايتقاندا, OLIMPBET-قازاقستان چەمپيوناتى, OLIMPBET-قازاقستان كۋبوگى, OLIMPBET-قازاقستان سۋپەركۋبوگى جانە بارلىق جاس ەرەكشەلىگى بويىنشا ەل بىرىنشىلىكتەرىن (U-13, U-15, U-17) وتكىزۋ.
سونداي-اق كۇن تارتىبىنە فۋتزالدان قازاقستان ءبىرىنشى ليگاسىن قۇرۋ جانە جاڭا ماۋسىمنان باستاپ فۋتزال كوماندالارىن سەرتيفيكاتسيادان وتكىزۋ ماسەلەلەرى قارالدى.