سەمسەرلەسۋ سپورتىنان فرانتسيادا مارەسىنە جەتكەن كەزەكتى الەم كۋبوگى جارىسىندا قازاقستان ۇلتتىق قۇراماسىنىڭ وكىلى رۋسلان قۇربانوۆ وتاندىق سەمسەرلەسۋ تاريحىندا العاش رەت كۇمىس مەدال جەڭىپ الدى.
بىلتىرعى توكيو وليمپياداسىنا قاتىسۋشى ر.قۇربانوۆ – بۇعان دەيىنگى ءىرى جارىستاردا ەل قورجىنىنا جۇلدە سالىپ, ۇزدىكتەر قاتارىنان كورىنىپ جۇرگەن تاجىريبەلى سپورتشىنىڭ ءبىرى. ول بۇعان دەيىنگى الەم كۋبوگى دوداسىندا ەكى مارتە قولا مەدال جەڭىپ العان بولسا, ەندى, مىنە, ءوز ناتيجەسىمەن قازاقستان قۇراماسىنىڭ جەتىستىگىن جاڭارتىپ, كۇمىس جۇلدەگە قول جەتكىزىپ وتىر.
وتانداسىمىز پاريجدەگى باسەكەسىنىڭ شيرەك فينالىندا مىسىرلىق موحامماد ەلساەدتى جەڭسە, جارتىلاي فينالدا جارىس قوجايىنى الەكساندر باردەنەدەن باسىم ءتۇستى. ال فينالدا تاعى ءبىر فرانتسيالىق سپورتشى لوپەز پورتە نەلسونمەن شەبەرلىك بايقاسىپ, تارتىستى وتكەن كەزدەسۋدە ەسە جىبەردى.