حالىق قوردان قولداۋ كۇتەدى

– «قازاقستان حالقىنا» قوعام­دىق قورى 3 ايدان بەرى جۇمىس ىستەپ كەلەدى. ۇيىمداستىرۋشىلىق ماسە­لەلەر شەشىلدى, ال قايى­رىمدىلىق ونىمدەر جەلىسى قۇ­رىلعان كەزدە تولىققاندى قىز­مە­تىن باستايدى. ەكى اپتا بۇرىن قام­قورشىلىق كەڭەس قوردىڭ جۇ­م­ىس جوسپارىن, جۇمىستىڭ نەگىزگى باعىتتارى مەن تاسىلدەرىن بە­كىتتى. ۇيىم شوتىنا 126 ملرد تەڭگە قاراجات جينالدى. بۇل اي­تار­لىقتاي قوماقتى سوما. ول ءوز كەزە­گىندە ەلەۋلى جۇمىس اتقارۋعا مۇم­كىندىك بەرەدى. بىرىنشىدەن, دەن­ساۋلىق ساقتاۋ مينيسترلىگىمەن جانە اكىمدىكتەرمەن بىرلەسىپ, تەگىن مەديتسينالىق كو­مەكتىڭ كەپىلدىك بەرىلگەن كو­لە­مى شەڭبەرىندە كورسەتىلۋى ءتيىس ەكەنىنە قاراماستان ءدارى-دار­مەك­پەن قامتىلماي قالعان ور­فاندىق اۋرۋلارمەن اۋىراتىن ناۋقاستاردىڭ ءتىزىمى ايقىن­دال­دى. ءبىز ءدارى-دارمەكپەن جەكە قام­تاماسىز ەتۋدى قاجەت ەتەتىن ور­فان­دىق اۋرۋلارمەن اۋىراتىن 201 بالانىڭ بار ەكەنىن انىق­تا­­­دىق. ءتىزىمدى دەنساۋلىق ساق­تاۋ مينيسترلىگى جانە جەر­گىلىكتى اتقارۋشى ورگاندار ازىرلەدى. سا­راپشىلارمەن بىرگە بى­لىك­تى دا­رى­گەرلەر, قامقورشىلىق كە­ڭە­سىنىڭ مۇشەلەرى – ءبىز كومەك كورسەتەتىن بارلىق ۇيىم­داس­تى­رۋ­شىلىق ماسەلەنى پى­سىق­تاۋ­دا, – دەدى «قازاقستان حال­قىنا» قو­عام­دىق قورىنىڭ تورا­عاس­ى بولات جامىشەۆ.

ونىڭ ايتۋىنشا, قازىرگى ۋا­قىتتا ەڭ قيىنى شەتەلدىك ءدارى-دارمەك وندىرۋشىلەرىمەن تىكە­لەي بايلانىس ورناتۋ بولىپ وتىر. ءدارى-دارمەكتىڭ كوبى ەلى­مىزدە تىركەلگەن, بىراق سو­عان قا­راماستان قور وسى ءدارى-دار­مەكتى وندىرۋشىلەرمەن تىكە­لەي بايلانىس ورناتۋدى كوز­دەيدى. تىركەلمەگەن پرەپاراتتار بويىنشا دا سولاي بولماق. بۇ­گىندە بىرقاتار كومپانيامەن كەلى­سىم­شارت پىسىقتالىپ جاتىر. ءوز كەزەگىندە, ب.جامىشەۆ كەلەسى جىلى تىزىمدەگى بارلىق بالا بيۋدجەتتىك وتى­نىم­دەر بويىنشا مەملەكەت كە­پىل­دىك بەر­گەن كومەكتى الا الاتىنىنا ۇمىت­تەنەتىنىن جەت­كىزدى.

– «قازاقستان حالقىنا» قو­عام­­­­دىق قورى ءۇش ايدا ايتار­لىق­­­­تاي جۇمىس اتقاردى. بۇ­گىن­دە قازا تاپقان 19 جانە اۋىر جا­­را­­لانعان 106 ىشكى ىستەر مي­نيس­تر­لىگى, ۇلتتىق قاۋىپسىزدىك كومي­تەتى قىزمەتكەرلەرىنىڭ وتبا­سى مۇشەلەرىنە جانە قور­عانىس ميني­سترلىگى مەن رەس­پۋب­ليكالىق ۇلان­نىڭ اسكەري قىزمەتشىلەرىنە جالپى كولەمى 451 ملن تەڭگەنى قۇرايتىن ما­تەريالدىق كومەك كور­­سەتىلدى. سونداي-اق قاڭتار وقي­­عاسىندا جازاتايىم قازا بول­عان­داردىڭ تۋىستارىنا قاراجات ءبولىندى. قازا تاپقان ءۇش ازاماتتىڭ وتباسى مۇشەلەرىنە اقشالاي تولەم جىبەرىلدى. ولاردىڭ جازاتايىم وقيعانىڭ قۇربانى ەكەنىن قۇزىرلى ورگان راستادى. سونداي-اق زارداپ شەككەن ءۇش بالانىڭ جانە قايتىس بولعان ەكى بالانىڭ وتباسىلارىنا اقشالاي تولەم جولداندى. جالپى, تولەم سوماسى 44 ملن تەڭگەنى قۇرادى. قازىر قازا تاپقان 13 بەيبىت تۇرعىننىڭ تۋىستارىنا اقشا اۋدارۋ ءۇشىن مالىمەتتەرى ناقتىلانۋدا. سما اۋرۋىنا شالدىققان 20 بالا مەن 2 ەرەسەك ادامعا ءدارى-دارمەك ساتىپ الۋعا ارنالعان كەلىسىمشارت قول قويۋ كەزەڭىندە. ج ۇلىن بۇل­شىقەتتەرىنىڭ اتروفياسى بار 4 بالاعا قازاقستاندا تىركەلمەگەن قىمبات تۇراتىن Onasemnogen abeparvovec (Zolgensma) پرە­پا­راتى ساتىپ الىندى, – دەدى قور توراعاسىنىڭ ورىنباسارى ءلاززات شىڭعىسباەۆا.

قايىرىمدىلىق كومەك كور­سە­تۋدى جالعاستىرا وتىرىپ, «قا­زاق­ستان حالقىنا» قورى مەم­لەكەتتىك ەمەس ۇيىمدارمەن, قور­لار­مەن بىرلەسىپ بىرقاتار جوبانى جۇ­زە­گە اسىرادى. سەرىكتەس رەتىندە ءوتى­نىم بەرە الاتىن ۇەۇ, قورلارعا قو­يىلاتىن كريتەريلەر قوردىڭ رەس­مي سايتىندا كور­سەتىلگەن.

– ءبىلىم بەرۋ سالاسىندا اۋىل­دار­ مەن اۋداندارداعى ءبىلىم وشا­­عىنىڭ دەڭگەيىن كوتەرۋگە با­عىت­­تالعان باعدارلاما ازىرلە­نەدى. ورفاندىق اۋرۋلارعا شال­دىق­­قان ناۋقاستاردى ءدارى-دار­مەكپەن قامتاماسىز ەتۋ جوباسى, ترانسپلانتاتسيالاۋعا, ون­كو­لوگيالىق جانە ونكو­گە­ما­­تو­لو­­گيالىق پاتولوگيالارعا مۇق­تاج ناۋ­قاستارعا قايى­رىم­دى­لىق كو­مەك كورسەتۋ جوبالارى, مۇ­گە­­دەك­تەردى (بالالار مەن ەرە­سەك­­تەردى) اربامەن, بيو­ني­كا­لىق پرو­تەز­دەردى وڭالتۋ ءۇشىن تەح­ني­كا­لىق قۇرالدارمەن قام­تا­ما­سىز ەتۋ باعدارلامالارى جاسا­لا­دى, – دەدى قور توراعاسىنىڭ ورىنباسارى.