بيىل 13 ساۋىردە اقتوبە قالاسىنىڭ №2 سوتىنىڭ ۇكىمىمەن وبلىستىق ەكولوگيا دەپارتامەنتىنىڭ بۇرىنعى باسشىسى نۇرجان اققۇل ايتارلىقتاي مولشەردە پارا الۋ دەرەگى بويىنشا كىنالى دەپ تانىلىپ, 12 ملن تەڭگە سوماسىنداعى ايىپپۇل جازاسىنا كەسىلدى, دەپ حابارلايدى Egemen.kz.
سونىمەن قاتار ەكس-باسشى مەملەكەتتىك ورگانداردا قىزمەت اتقارۋ قۇقىعىنان ءومىر بويىنا ايرىلدى.
نۇرجان اققۇل وتكەن جىلدىڭ 19 جەلتوقسانىندا اقتوبە وبلىسىنىڭ ەكولوگيا دەپارتامەنتىنىڭ باسشىسى رەتىندە كاسىپكەرلىك سۋبەكتىسى ديرەكتورىنان 400 مىڭ تەڭگە سوماسىنداعى پارا العانى ءۇشىن اقتوبە وبلىسى بويىنشا سىبايلاس جەمقورلىققا قارسى قىزمەتپەن ۇستالعان.
اتالعان پارانى ءبىرىنشى ساناتتاعى وبەكتىلەر ءۇشىن ەميسسيالاردىڭ قورشاعان ورتاعا اسەر ەتۋىنە رۇقسات بەرۋى جانە جالپى قامقورلىق كورسەتۋى ءۇشىن العان.
ايانا توعانبەك