فۋتبولدان قازاقستان چەمپيوناتىنىڭ بەسىنشى تۋر ويىندارىنان كەيىن تاعى دا كوشباسشى كوماندا اۋىستى. وتكەن تۋردا «اقجايىقپەن» تەڭ ويناعان «قايرات» بۇل جولى ءوز الاڭىندا اقتاۋدىڭ «كاسپي» كلۋبىن جەڭىپ, 11 ۇپايمەن تۋرنير كەستەسىندە جەكە-دارا كوش باستادى. ال ءتورتىنشى تۋردان كەيىن توپ باستاعان قوستانايدىڭ «توبىلى» سىرت الاڭدا شىمكەنتتىڭ «ورداباسىنان» ءىرى ەسەپپەن جەڭىلىپ, ءۇشىنشى ورىنعا ءتۇسىپ قالسا, قاراعاندىنىڭ «شاحتەرى» قاتارىنان ءتورتىنشى ماتچتا جەڭىسكە جەتىپ, تۋرنير كەستەسىندە ەكىنشى ورىنعا كوتەرىلدى.
بەسىنشى تۋردىڭ ورتالىق ويىنى الماتىداعى «ورتالىق» ستاديوندا جەرگىلىكتى «قايرات» پەن اقتاۋدىڭ «كاسپي» كلۋبتارى اراسىندا ءوتتى. كەيىنگى ەكى تۋردا قارسىلاستارىمەن تەڭ ءتۇسىپ, ءتورت ۇپايىنان ايىرىلعان قۇربان بەردىەۆ شاكىرتتەرى تۋرنير كەستەسىندەگى جاعدايىن جاقسارتۋ ءۇشىن بۇل ماتچتا قالايدا «تەڭىزشىلەردەن» ۇپاي الۋعا ءتيىس بولاتىن. ال قاتارىنان ەكى تۋردا جەڭىسكە جەتكەن «كاسپيگە» دە ۇپاي جوعالتۋ ءتيىمسىز بولاتىن. الايدا نيكولاي كوستوۆ شاكىرتتەرى تەڭ دارەجەدە وتكەن ويىندا 0:1 ەسەبىمەن جەڭىلىپ قالدى. ويىننىڭ 14-مينۋتىندا چەمپيوناتتىڭ قازىرگى ۇزدىك سۇرمەرگەنى حوسە كانتە مەرگەندىگىمەن كوزگە ءتۇسىپ, ەسەپ اشتى. بىراق قاپتالداعى تورەشى گۆينەيالىق شابۋىلشى ويىننان تىس قالعانىن باس تورەشىگە ەسكەرتىپ, گولدى ەسەپتەمەي تاستادى. دەگەنمەن تايم اياقتالار تۇستا جواو پاۋلو جەكە شەبەرلىگىنىڭ ارقاسىندا «كاسپيدىڭ» قاقپاسىنا گول سوعىپ, كومانداسىنا ماڭىزدى 3 ۇپاي سىيلادى. ءسويتىپ, قۇربان بەردىەۆتىڭ كومانداسى تۋرنير كەستەسىندە ءبىرىنشى ورىنعا شىقتى. «كاسپي» ماتچ بويى دوپقا يەلىك ەتكەنىمەن, قاۋىپتى شابۋىل, گول سوعاتىن مۇمكىندىكتەر بويىنشا «قايراتتان» قالىپ قويدى.
بەسىنشى تۋردىڭ باستى سەنساتسياسى شىمكەنتتەگى «ورداباسى» مەن «توبىل» اراسىنداعى ماتچتا تىركەلدى. ءتورت تۋر قاتارىنان جەڭىلىستىڭ نە ەكەنىن بىلمەي كەلە جاتقان بىلتىرعى ەل چەمپيوندارى كۇتپەگەن جەردە بىرىنشىلىكتىڭ ورتاڭقول كومانداسىنان جەڭىلىپ قالدى – 3:1. تابلوداعى ناتيجەنىڭ كورىنىسىنە 14-مينۋتتا «توبىل» قورعاۋشىسى الەكساندر ماروچكيننىڭ الاڭنان قۋىلۋى قاتتى اسەر ەتتى. قاقپاعا ەنىپ بارا جاتقان دوپتى ادەيى قولىمەن قايتارعانى ءۇشىن باس تورەشى ماروچكينگە بىردەن «قىزىل قاعاز» كورسەتىپ, «توبىل» قاقپاسىنا پەنالتي بەلگىلەدى. 11 مەترلىك نۇكتەدە ەلحان استانوۆ ءمۇلت كەتكەن جوق – 1:0. 41-مينۋتتا يگور سەرگەەۆ تارازى باسىن تەڭەستىرگەنىمەن, 45-مينۋتتا «ورداباسىنىڭ» توگولىق شابۋىلشىسى سەرج نيۋيادزي كومانداسىن قايتادان العا شىعاردى. ەكىنشى تايمنىڭ سوڭىندا س.نيۋيادزي تاعى دا مەرگەندىگىمەن كوزگە ءتۇسىپ, ويىننىڭ نۇكتەسىن قويدى. ەل چەمپيوندارىن سەنىمدى تۇردە جەڭگەن «ورداباسى» تۋرنير كەستەسىندە 6-ورىنعا كوتەرىلدى. ال تۇڭعىش رەت جەڭىلىپ, وسى كۇنگە دەيىن قاقپاسىنا بىردە-ءبىر گول جىبەرمەي, بىردەن باقانداي ءۇش گول وتكىزىپ العان «توبىل» توپ باسىنان ءۇشىنشى ساتىعا سىرعىدى.
چەمپيوناتتى ءساتسىز باستاعان ەلوردانىڭ «استانا» كلۋبى تۋر وتكەن سايىن كۇشەيىپ كەلەدى. كەيىنگى ەكى تۋردا التى ۇپاي يەلەنگەن ەلوردالىقتار كەشە دە جەڭىستى جولىن جالعاستىردى. «استانا ارەنادا» «تاراز» كلۋبىن قابىلداپ, قوناقتاردى 2:1 ەسەبىمەن قاپى قالدىردى. ءبىرىنشى تايمنىڭ 22-مينۋتىندا الاڭ يەلەرى ساپىنان ماكس ەبونگ كەزەكتى شابۋىلىن گولمەن تۇيىندەپ, ماتچتىڭ ەسەبىن اشقان بولسا, ىلە-شالا قوناق كوماندانىڭ قورعاۋشىسى لۋكا گادراني بۇرىشتامادان گول سوعىپ, تارازى باسىن تەڭەستىردى. ال ەكىنشى تايمنىڭ 67-مينۋتىندا «تارازدىڭ» قورعاۋشىسى اسلان داراباەۆتىڭ پاسىنان كەيىن ءوز قاقپاسىنا گول سوعىپ الدى. بۇل – «استانانىڭ» چەمپيوناتتاعى قاتارىنان ءۇشىنشى جەڭىسى بولسا, «تاراز» وسىمەن ەكىنشى ويىندا جەڭىلىستىڭ كەرمەك ءدامىن تاتتى.
تۇركىستان وبلىسىنىڭ «ماقتاارال» كلۋبىن قابىلداعان قاراعاندىنىڭ «شاحتەرى» قوناقتار قاقپاسىنا بەس گول سوعىپ, تۋردىڭ ەڭ ءىرى جەڭىسىن تىركەدى – 5:1. نەگىزى قاراعاندىلىقتار وسى ويىنداعى التى گولدىڭ ءبارىن دە وزدەرى سوقتى. تەك سوڭعىسى اۆتوگول رەتىندە تىركەلىپ, قوناقتار پايداسىنا جازىلدى. ستاديونعا جينالعان ءتورت مىڭ جانكۇيەرىن جارقىن جەڭىسىمەن قۋانتقان «شاحتەر» ەكىنشى ورىنعا كوتەرىلدى. ال چەمپيوناتتاعى ازىرشە ەڭ ءىرى جەڭىلىسكە ۇشىراعان ماقتالى ولكەنىڭ كومانداسى ءبىر ۇپايمەن كوش سوڭىندا كەلەدى.
سونداي-اق بەسىنشى تۋر اياسىندا اتىراۋعا ساپار شەككەن ورالدىڭ «اقجايىق» كلۋبى ورالحان ومىرتاەۆتىڭ سوققان جالعىز گولىنىڭ ارقاسىندا كەزەكتى ءۇش ۇپايىنا قول جەتكىزىپ, 11-ورىنعا كوتەرىلدى. باتىستىڭ تاعى ءبىر كومانداسى – «اقتوبە» دە سىرت الاڭدا كەزەكتى جەڭىسىن تويلادى. پاۆلوداردا چەمپيونات دەبيۋتانتى «اقسۋمەن» كەزدەسكەن ۆلاديمير مۋحانوۆ شاكىرتتەرى 2:1 ەسەبىمەن باسىم ءتۇستى. العاشقى ءتورت تۋردان كەيىن باس باپكەر ۆلاديمير گاززاەۆتى قىزمەتىنەن العان «تۇران» ءوز الاڭىندا پەتروپاۆلدىڭ «قىزىلجارىمەن» تەڭ وينادى – 0:0.
VI تۋر ويىندارى 15-16 ءساۋىر كۇندەرى وتەدى. جۇما كۇنى «تۇران» – «ورداباسى», «قىزىلجار» – «اقتوبە», «كاسپي» – «اتىراۋ», «توبىل» – «قايرات», «اقجايىق» – «استانا» كوماندالارى كەزدەسسە, سەنبى كۇنگى ويىنداردا «ماقتاارال» – «اقسۋ» جانە «تاراز» – «شاحتەر» كلۋبتارى باق سىنايدى.
تۋرنير كەستەسى
№
كلۋب
و
ج
ت
ۇ
دوپ
ايىرماسى
ۇپاي
1
«قايرات»
5
3
2
0
5-1
11
2
«شاحتەر»
4
3
1
0
10-2
10
3
«توبىل»
5
3
1
1
7-3
10
4
«كاسپي»
5
3
1
1
4-2
10
5
«استانا»
5
3
0
2
6-5
9
6
«ورداباسى»
5
2
1
2
7-5
7
7
«اتىراۋ»
5
2
1
2
4-4
7
8
«اقتوبە»
5
2
1
2
5-6
7
9
«تاراز»
5
1
2
2
3-4
5
10
«اقسۋ»
4
1
1
2
3-4
4
11
«اقجايىق»
4
1
1
2
1-3
4
12
«قىزىلجار»
5
1
1
3
2-5
4
13
«تۇران»
4
0
2
2
0-4
2
14
«ماقتاارال»
5
0
1
4
3-12
1