الماتىداعى كەيبىر ساياباقتاردا كەنەگە قارسى تازارتۋ جۇمىستارى جۇرگىزىلەتىنى جايلى ەسكەرتۋ تاقتالارى ورناتىلادى, دەپ حابارلايدى Egemen.kz.
«الماتىدا ءساۋىر ايىنان باستاپ ورمان جانە قالا ساياباقتارىنىڭ, سونداي-اق جالپى اۋدانى 2424,54 گا گۇلزارلاردىڭ اۋماعىندا كەنەگە قارسى وڭدەۋدىڭ ءبىرىنشى كەزەڭى باستالادى», دەپ حابارلادى قالا اكىمدىگى.
وڭدەۋ سەگىز ورمان ساياباعىندا جانە 144 قالالىق ساياباقتاردا, الاڭداردا وتەدى (اۋدانى – 519,616 گا). ول كەستە بويىنشا 5 ساۋىردەن 5 مامىرعا دەيىن قۇرعاق جانە جاڭبىرلى ەمەس اۋا-رايىندا وتكىزىلەدى.
«يكسود كەنەلەرىمەن كۇرەستە ماكسيمالدى ناتيجەگە قول جەتكىزۋ ءۇشىن ەمدەۋ ەكى تۋردا جۇرگىزىلەدى. ەكىنشى تۋر مامىر-ماۋسىم ايلارىندا وتەدى», دەپ ناقتىلادى اكىمدىك قىزمەتكەرلەرى.
دەزينفەكتسيالىق ءىس-شارالاردى «الماتى قالاسى بويىنشا دەزينفەكتسيا ورتالىعى» شجق رمك فيليالى قالانىڭ سانيتارلىق-ەپيدەميولوگيالىق باقىلاۋ ماماندارىنىڭ باقىلاۋىمەن جۇرگىزەدى.