قازاقستاندىق كاسىپقوي بوكسشى گەننادي گولوۆكين (41-1-1, 36 كو) مەن جاپونيالىق ريوتا مۋراتا اراسىندا وتەتىن جەكپە-جەكتىڭ ناقتى ۋاقىتى بەلگىلى بولدى. بۇل تۋرالى بوكس كەشىن تىكەلەي ەفيردە كورسەتەتىن Qazsport تەلەارناسى حابارلادى.
«جاپونيانىڭ سايتاما قالاسىندا ۇيىمداستىرىلاتىن گولوۆكين-مۋراتا اراسىنداعى كاسىپقوي بوكس كەشىنىڭ ترانسلياتسياسى 9 ساۋىردە نۇر-سۇلتان ۋاقىتىمەن 15:00-دە باستالادى. كەزدەسۋدى تەلەديداردان بولەك, qazaqstan.tv جانە qazsporttv.kz سايتى مەن qazaqstan.tv ءموبيلدى قوسىمشاسى ارقىلى تىكەلەي ەفيردە كورۋگە مۇمكىندىك بار», دەلىنگەن رەسمي حابارلامادا.
ال نەگىزگى جەكپە-جەكتىڭ ناقتى ۋاقىتى ازىرگە بەلگىسىز. ويتكەنى بارلىعى اندەركاردتا شارشى الاڭعا شىعاتىن بوكسشىلاردىڭ كەزدەسۋلەرىنە بايلانىستى. دەگەنمەن, بەيرەسمي اقپارات بويىنشا, گولوۆكين-مۋراتا ايقاسى ەلوردا ۋاقىتىمەن كەشكى 19:00 – 20:00 ارالىعىندا باستالادى دەپ كۇتىلۋدە.
ايتا كەتەيىك, بۇل جەكپە-جەكتە گولوۆكيننىڭ ورتا سالماقتاعى IBF, IBO جانە مۋراتانىڭ WBA Super چەمپيوندىق بەلبەۋلەرى ساراپقا سالىنادى.