باتىس قازاقستان وبلىسىنىڭ جانىبەك اۋدانىندا قاردىڭ ەرۋى مەن جاۋىن-شاشىننىڭ جاۋى سالدارىنان 2 ەلدى مەكەندە ەرىگەن قار سۋى باسىلدى, دەپ حابارلايدى Egemen.kz قر تجم ءباسپاسوز قىزمەتىنە سىلتەمە جاساپ.
جاقسىباي اۋىلىندا شامامەن 170 تۇرعىن ءۇي سۋ استىندا قالدى, جەرگىلىكتى اتقارۋشى ورگانداردىڭ جانە شەكارا قىزمەتىنىڭ كۇشىمەن 637 ادام ەۆاكۋاتسيالاندى, ونىڭ ىشىندە 89 بالا «م.ب.ىقسانوۆ اتىنداعى مەكتەپ-بالاباقشا كەشەنى» كمم-دە جانە 332 ادام تۋىستارىنىڭ ۇيلەرىنە ورنالاستىرىلدى.
تالوۆكا اۋىلىندا 2 تۇرعىن ءۇي سۋ استىندا قالدى. 8 ادام ەۆاكۋاتسيالاندى, ونىڭ ىشىندە 2 بالا تۋىستارىنا ورنالاستىرىلدى.
تجد, جاو, شەكارا قىزمەتىنىڭ كۇشتەرىمەن اۋلالاردى ارالاۋ جۇرگىزىلەدى, كەزەكشىلىك ۇيىمداستىرىلدى.
اتىراۋ وبلىسىنىڭ تجد-نان قوسىمشا بقو-عا مي-8 تىكۇشاعىمەن قاجەتتى قۇرال-جابدىقتارمەن 12 قۇتقارۋشى جانە اۆتوكولىكپەن كۇشتەر مەن قۇرالداردى توپتاستىرۋ, جەكە قۇرامنان 34 ادام جانە 4 بىرلىك تەحنيكا جىبەرىلەدى.
سونداي-اق, وبلىس ورتالىعىنان جەكە قۇرامنان 20 ادام جانە 3 بىرلىك تەحنيكادان تۇراتىن قوسىمشا كۇشتەر مەن قۇرالدار جۇمىلدىرىلدى.