قازاقستان اقش-تىڭ سەنىمدى سەرىگى بولىپ كەلەدى. اقش يگىلىگى ءۇشىن قازاقستاننىڭ الداعى ۋاقىتتا دا ساياسي, ەكونوميكالىق جانە الەۋمەتتىك تۇرعىدان دامي ءتۇسۋى قاشاندا ماڭىزدى بولىپ سانالادى.
ناۋرىز ايىندا جاريالانعان پرەزيدەنت قاسىم-جومارت توقاەۆتىڭ ارنايى جولداۋىندا ايتىلعان رەفورمالار پاكەتى قازاقستاننىڭ قوعامدىق-ساياسي ومىرىنە ەنگىزىلەتىن جاڭالىقتاردىڭ كەڭ اۋقىمىن قامتيدى.
بۇل قۇجاتتا بيىل قاڭتار ايىنىڭ باسىندا ەلدە بولعان قايعىلى وقيعالارعا قاراماستان, قازاقستاننىڭ قۇرىلىمدىق رەفورمالار باعدارلاماسىن جالعاستىرۋعا دەگەن بۇلجىماس شەشىمى ايقىن كورىنىس تاپقان. كوپتەگەن وزگەرىستەردىڭ ىشىندە رەفورمالاردىڭ بۇل پاكەتى ساياسي پارتيالار قۇرۋ پروتسەسىن جەڭىلدەتەدى, سايلانعان پارلامەنتكە كەڭ وكىلەتتىك بەرەدى جانە پرەزيدەنتتىڭ جاقىن تۋىستارىن ساياسي لاۋازىمدارعا تاعايىنداۋعا تىيىم سالادى.
جولداۋدا باسىمدىق بەرىلگەن ماجوريتارلىق-پروپورتسيونالدى سايلاۋ جۇيەسىنە كوشۋدىڭ دە ماڭىزى زور. رەفورمالاردىڭ جاڭا پاكەتى كوپتەن كۇتكەن قادام بولىپ تابىلادى. سوندىقتان دا ستراتەگيالىق قۇجات قازاقستاننىڭ دوستارى مەن سەرىكتەستەرى تاراپىنان كەڭ قولداۋ تابادى دەگەن سەنىمدەمىن. قازاقستاننىڭ گۇلدەنۋى مەن تۇراقتىلىعى تەك ەلدىڭ وزىنە عانا ەمەس, بۇكىل الەمگە دە پايدالى ەكەنى انىق.
ەفگان نيفتي,
Caspian Policy Center ساراپتامالىق ورتالىعىنىڭ اتقارۋشى ديرەكتورى (اقش)