ەلىمىزدەگى اۋا رايىنىڭ كۇرت ناشارلاۋى سالدارىنان قازاقستاننىڭ ءتورت وڭىرىندە ون ەكى جول ۋچاسكەسى ءالى اشىلعان جوق, دەپ حابارلايدى Egemen.kz «قازاۆتوجول» ۇلتتىق كومپانياسىنىڭ ءباسپاسوز قىزمەتىنە سىلتەمە جاساپ.
دەرەكتەرگە سەنسەك, اقمولا, شقو, قاراعاندى جانە قوستاناي وبلىسىندا بىرنەشە جول بولىگى ءالى كۇنگە اشىلماعان.
«وڭىرلەردەگى تۇرعىنداردىڭ الىس جولعا شىقپاعانى ءجون. اۋا-رايى بولجامىن ۇدايى نازاردا ۇستاعان ءلازىم. اۆتوكولىكپەن قار قۇرساۋىندا قالعاندار بولسا, 1403 نومىرىنە حابارلاسقانى دۇرىس», دەلىنگەن كومپانيا ءباسپاسوز قىزمەتىنىڭ حابارلاماسىندا. سونداي-اق «قازاۆتوجول» ۇلتتىق كومپانياسى جول قوزعالىسىن رەتتەۋ ماقساتىندا 1100 قىزمەتكەر مەن 650 بىرلىك ارنايى تەحنيكانى جۇمىلدىرعان.