ونىنشى ءساۋىر كۇنى وتەتىن UFC-ءدىڭ كەزەكتى ءتۋرنيرى اياسىندا شۆەتسيالىق حامزات چيماەۆقا قارسى وكتاگونعا شىعاتىن گيلبەرت بەرنس قارسىلاسىنىڭ دەڭگەيى تۋرالى پىكىر ءبىلدىردى, دەپ حابارلايدى Egemen.kz Sports.ru-عا سىلتەمە جاساپ.
«ونىڭ مىقتى سپورتشى ەكەندىگىنە ەشقانداي كۇمانىم جوق. الايدا جانكۇيەرلەر ونى تەڭدەسسىز شەبەرگە تەڭەپ جاتاتىنى بار. ماقتاعان كەزدە اسىرا سىلتەۋدىڭ قاجەتى جوق. حامزاتتىڭ مىقتى كۇرەسەتىنىن, سوققىسىنىڭ جويقىن ەكەنىن بىلەمىز. الايدا ول تەڭدەسسىز سپورتشى ەمەس. جەكپە-جەكتەرىندە بىرنەشە نوكاۋت كوردىك, قارسىلاستارىنا قاراعاندا كۇرەسىنىڭ دەڭگەيى جوعارى ەكەنىن بايقادىق. ايتكەنمەن مەن ونى اسا مىقتى سپورتشىلاردىڭ قاتارىنا قوسا المايمىن», دەدى بەرنس ءوز ويىن ءبىلدىرىپ.