اقمولا وبلىسىنىڭ كوركەم قويناۋىندا سپورتتىق باعدارلاۋ بويىنشا “بۋراباي – 2010” حالىقارالىق جارىس مارەگە جەتتى. قازاقستان مەن رەسەيدىڭ تاڭداۋلى سپورتشىلارى قاتىسقان ءداستۇرلى باسەكەنى “نۇر وتان” حدپ فيليالى ۇيىمداستىردى.
بەس كۇنگە سوزىلعان بايراقتى باسەكەدە ەل وبلىستارىنان جانە رەسەي فەدەراتسياسىنىڭ ءسىبىر, ورال, التاي ولكەسىنەن 10 جاس پەن 60 جاس ارالىعىنداعى 165 سپورتشى باق سىناستى.
جارىستىڭ اشىلۋ راسىمىندە “نۇر وتان” پارتياسى ورتالىق اپپاراتىنىڭ باس ساراپشىسى, قازاقستان رەسپۋبليكاسى سپورتتىق باعدارلاۋ فەدەراتسياسىنىڭ پرەزيدەنتى ۆلاديمير تەلنوۆ جۇرتشىلىقتى قۇتتىقتاي كەلىپ, سپورتتىڭ بۇل ءتۇرى 2011 جىلعى ءVىى ازيا ويىندارىنىڭ باعدارلاماسىنا ەنگىزىلگەندىكتەن, ونىڭ ماڭىزى ەسەلەپ ارتقاندىعىن جەتكىزدى.
“نۇر وتان” حدپ اقمولا وبلىستىق فيليالى توراعاسىنىڭ ورىنباسارى عالىم شويكين ءداستۇرلى جارىستىڭ بۇقارالىق سيپات الىپ وتىرعانىن, ونىڭ سالاماتتى ءومىر سالتىن قالىپتاستىرۋداعى, جاستار تاربيەسىندەگى ماڭىزدى ورنىن اتاپ ءوتتى.
– سپورتتىڭ بۇل ءتۇرى قازاقستان مەن رەسەيدە مەيلىنشە دامىپ وتىر, – دەدى عالىم نۇرماعامبەت ۇلى. – تمد ەلدەرى اراسىندا كوش باسىندا تۇرعان سپورتشىلارىمىز حالىقارالىق دودالاردا دا جوعارى تابىستارعا جەتىپ ءجۇر. مەملەكەت باسشىسىنىڭ سپورتتى دامىتۋ ساياساتىن قولداعان “نۇر وتان” پارتياسى كوپتەگەن يگى ىستەردىڭ ۇيىتقىسى بولىپ وتىر. بۇگىنگى حالىقارالىق دەڭگەيدەگى جارىس الداعى ازيا ويىندارىنىڭ دايىندىق شەڭبەرىندە وتكىزىلۋدە. سوندىقتان, جاۋاپكەرشىلىك تە جوعارى بولماق. سىننان سۇرىنبەي وتۋلەرىڭىزگە تىلەكتەستىك بىلدىرەمىز.
تارتىستى جارىستىڭ جەڭىمپازدارى ءتورت ستارت قورىتىندىسىمەن انىقتالدى. ايەلدەر اراسىندا استانا قالاسىنىڭ وكىلى, حالىقارالىق دارەجەدەگى سپورت شەبەرى ولگا نوۆيكوۆانىڭ مەرەيى ۇستەم بولدى. وسى جەردە ولگانىڭ ءسپرينتتى جۇگىرۋدە الەم كۋبوگىنىڭ قاتارىنان ءتورت كەزەڭىنىڭ جەڭىمپازى ەكەندىگىن ەسكە سالعىمىز كەلەدى. سولتۇستىك قازاقستان وبلىسىنىڭ سپورتشىسى ناتاليا چۋپريكوۆا ەكىنشى, توم قالاسىنىڭ ستۋدەنتى گالينا براگينا ءۇشىنشى ورىندى ەنشىلەدى.
الماتىلىق دەنيس ۆلاسوۆ بۋرابايعا جاپونياداعى كوپكۇندىك باسەكەدەن “تەرى دە قاتپاي” كەلگەنىنە قاراماستان, ءبىرىنشى ورىندى جەڭىپ الىپ, “نۇر وتان” حدپ كۋبوگىن يەمدەندى. جاپونيادا قازاقستان قۇراماسى ەستافەتالىق جارىستا جۇلدەلى ءۇشىنشى ورىنعا كوتەرىلگەن ەدى. رەسەيلىك ساڭلاق سپورتشىلار الەكسەي ريازانوۆ پەن الەكساندر زەلەنتسوۆ ماراپات تۇعىرىنىڭ ەكىنشى جانە ءۇشىنشى ساتىسىنا كوتەرىلدى.
سونداي-اق, انتون زەمەل, ناتاليا تاشكينا, انتون ناكاتكوۆ, اسەم نازىروۆا, بينالي وسمانوۆ جەتەكشى پارتيانىڭ جۇلدەلەرىن يەلەندى.
باقبەرگەن امالبەك,
اقمولا وبلىسى.
ازىرشە ءساتسىز ويناۋدامىز
گەرمانيادا شايبالى حوككەيدەن الەم چەمپيوناتى ءوتىپ جاتىر. وعان اندرەي شايانوۆ جاتتىقتىراتىن ەلىمىزدىڭ باس قۇراما كومانداسى دا قاتىسۋدا.
ءبىزدىڭ كوماندا “ا” توبىندا باق سىناسۋدا. ءدۇبىرلى دودانىڭ كۇنتىزبەسىنە سايكەس, قازاقستان قۇراما كومانداسى العاشقى ويىنىن مامىردىڭ 9-ىندا بەلارۋس قۇراماسىمەن وتكىزدى. ودان كەيىن مامىردىڭ 11-ىندە رەسەي حوككەيشىلەرىمەن كەزدەسىپ, مامىردىڭ 13-ىندە سلوۆاكيالىقتارمەن باق سىناستى.
وكىنىشكە قاراي, ەلىمىزدىڭ ۇلتتىق قۇراما كومانداسى العاشقى كەزدەسۋىندە بەلارۋس قۇراماسىنان 5:2 ەسەبىمەن جەڭىلىپ قالدى. ال رەسەي قۇراماسى ءوزىنىڭ ءبىرىنشى كەزدەسۋىندە سلوۆاكيادان 3:1 ەسەبىمەن باسىم تۇسكەن بولاتىن. ءبىزدىڭ ۇلتتىق قۇراما كوماندامىز بەلارۋس, سلوۆاكيا جانە رەسەي كوماندالارى كىرەتىن “ا” توبىندا ونەر كورسەتۋدە.
قازاقستاندىق حوككەيشىلەر مامىردىڭ 11-ءى كۇنى وتكەن كەزەكتى ويىنىندا رەسەيدىڭ قۇراماسىنان 1:4 ەسەبىمەن ۇتىلدى. ويىننىڭ 11-ءشى مينۋتىندا ەسەپتى رەسەي قۇراما كومانداسىنىڭ تانىمال شابۋىلشىسى الەكساندر وۆەچكين اشتى. ويىننىڭ ەكىنشى كەزەڭىندە, اتاپ ايتقاندا 21-ءشى مينۋتىندا يليا كوۆالچۋك, 38-ءشى مينۋتىندا الەكساندر سەمين قازاقستان قۇراماسىنىڭ قاقپاشىسى ۆيتالي ەرەمەەۆتى قاپى قالدىردى. ال ويىننىڭ اياقتالۋىنا 15 مينۋت قالعاندا رەسەي كومانداسىنىڭ قورعاۋشىسى دەنيس گرەبەشكوۆ قازاقستاندىقتار قاقپاسىنا ءتورتىنشى شايبانى سوقتى.
قازاقستاندىقتار بولسا, ويىننىڭ اياقتالۋىنا نەبارى بىرنەشە سەكۋند قالعاندا جالعىز شايبامەن ەسەپتى ءسال قىسقارتا الدى. ونىڭ اۆتورى – دميتري دۋدارەۆ.
بۇرناعى كۇنى شۆەيتساريا قۇراماسىمەن تاياق تۇيىستىرگەن قازاقستاندىقتار تاعى جەڭىلدى. ەسەپ – 5:1.
جاندوس مەديمانوۆ.