EXPO تورىندەگى ناۋرىز تويى

مەرەكە اياسىندا كۇنى بويى كورمە قوناقتارى ءۇشىن «اق­جەلەڭ» جانە «تارلان» ەتنو-فولكلورلىق انسامبل­دە­رى, سونداي-اق «وردا» جانە «ناز» بي انسامبلدەرى ونەر­پاز­دا­رى­نىڭ قاتىسۋىمەن بىر­­قا­تار­ مادەني باعدارلاما  ۇيىم­­داس­تى­رىلدى.

مەرەكەگە وراي قازاقستان رەسپۋبليكاسىنىڭ ۇلتتىق پاۆيلونىنىڭ الدىندا كيىز ءۇي تىگىلىپ, كەلۋشىلەردىڭ نا­زارىنا قازاق حالقىنىڭ سالت-داستۇرلەرى مەن ادەت-عۇ­رىپ­تا­رىن كورسەتەتىن تەاتر­­لان­دىرىلعان قويىلىم ۇسى­­نىلدى. سونىمەن قا­تار پا­ۆيلون قوناقتارى ءۇشىن قا­زاق جانە شىعىس تاعام­دا­­رىنان داستارقان جايىلدى. كەلۋشىلەر قازاقتىڭ با­­­ۋىر­ساق, جەنت جانە قۇرت سياق­­­تى ءداستۇرلى دامدەرىنەن اۋىز ءتيدى. ايتا كەتەرلىگى, مەرەكەلىك ءىس-شاراعا تانىمال قازاقستاندىق ءانشى ديماش قۇدايبەرگەن قاتىستى.

ەستەرىڭىزگە سالا كەتسەك, EXPO-2020 دۇنيەجۇزىلىك كور­مە­سى دۋبايدا 2021 جىلعى 1 قازان مەن 2022 جىلعى 31 ناۋرىز ارالىعىندا وتەدى جانە تاياۋ شىعىستاعى ال­عاش­قى EXPO كورمەسى. كورمە تا­قى­رىبى «ويلاردىڭ بايلانىسى, بولاشاقتىڭ قۇرى­لىمى» EXPO-2020 Dubai ۇيىمداستىرۋ كوميتەتىنىڭ دەرەكتەرى بويىنشا 19 ناۋ­رىز­داعى مالىمەت بويىنشا كورمەگە 20 ملن ادام كەلدى.

قازاقستان رەس­پۋب­لي­كا­سى­نىڭ ۇلتتىق پاۆيلونى EXPO-2020 ۇيىمداستىرۋ كوميتەتىنىڭ اقپاراتى بو­يىنشا وسىنداعى ۇزدىك 10 پاۆيلون­­ن­ىڭ قاتارىنا كىرەدى. بۇگىنگى تاڭدا پاۆيلونعا 1,4 ملن-نان استام ادام كەلىپ كەتتى.

تۋريستىك مۇددەلەرمەن قوسا, ول حالىقارالىق بيزنەس-توپتار اراسىندا جوعارى ىسكەرلىك قىزىعۋشىلىققا يە بولىپ وتىر. بۇكىل كەزەڭ ىشىندە پاۆيلون الاڭىندا 50-گە جۋىق ىسكەرلىك جانە مادەني ءىس-شارالار جوسپارلاندى. ولاردىڭ شەڭبەرىندە كونفەرەنتسيالار, فورۋمدار, ۆ2ۆ كەزدەسۋلەر وتەدى, سونداي-اق ەلدىڭ ينۆەستيتسيالىق جانە تۋريستىك الەۋەتى بويىنشا جو­بالار, عىلىمي جانە ءبىلىم بەرۋ باستامالارى ۇسى­نى­لا­دى.

تالعات سادىق ۇلى