ۇلىبريتانيانىڭ پرەمەر-ءمينيسترى بوريس دجونسون فۋتبولدان 2028 جىلعى ەۋروپا چەمپيوناتىن ۋكراينادا وتكىزۋدى ۇسىندى, دەپ حابارلايدى Egemen.kz.
بۇل تۋرالى The Guardian باسىلىمى اقپارات تاراتتى. ساياساتكەر مۇنداي پىكىردى رەسەي ەلى ەۋروپا چەمپيوناتىن وتكىزۋگە نيەت بىلدىرگەننەن كەيىن ايتقان.
«رەسەيدىڭ قانداي دا ءبىر سپورتتىق نەمەسە مادەني ءىس-شارانى ۇيىمداستىرۋ تۋرالى ۇسىنىسى ساتيرادان دا اسىپ تۇسەدى. مەن ولاردىڭ ۇسىنىسىن قانداي دا ءبىر ۇيىم بايسالدى تۇردە قابىلدايدى دەگەنگە مۇلدە سەنبەيمىن. ودان دا ولار كەز-كەلگەن ءبىر جارىستىڭ, ايتالىق ەۋروپا چەمپيوناتىنىڭ ۋكراينادا وتۋىنە نيەتتەس بولعانى دۇرىس», دەپتى ول باسىلىمعا بەرگەن سۇحباتىندا.