گەرمانيالىق «بورۋسسيا» (دورتمۋند) فۋتبول كلۋبى وسى جازدا ەۋروپانىڭ ۇزدىك كلۋبتارىنىڭ بىرىنە اۋىساتىن ەرلينگ حوللاندتىڭ ورنىنا شابۋىلشى ىزدەي باستادى, دەپ حابارلايدى Egemen.kz.
دورتمۋندتىق ۇجىم نيدەرلاندىلىق «اياكس» فۋتبول كلۋبىنىڭ شابۋىلشىسى سەباستەن اللەر, «بايەردىڭ» چەحيالىق شابۋىلشىسى پاتريك شيك, «شتۋتگارت» فۋتبول كلۋبىنىڭ ويىنشىسى ساشا كلايدجيچ, «سپارتا» كومانداسىنىڭ فۋتبولشىسى ادام گلوجەك سەكىلدى فۋتبولشىلاردىڭ ءبىرىن قاتارعا قوسۋعا نيەتتى. ال ەرلينگ حوللاندقا قازىرگى كەزدە يسپانيالىق «رەال», «بارسەلونا», ۇلىبريتانيالىق «مانچەستەر سيتي» كوماندالارى تالاسىپ جاتىر.