قازاقستاننىڭ ءدىني بىرلەستىكتەرىنىڭ وكىلدەرى ناۋرىز مەيرامىمەن بارشا قازاقستان حالقىن قۇتتىقتادى, دەپ حابارلايدى Egemen.kz.
«ناۋرىز - جىلۋدىڭ, جارىقتىڭ, قۇدايدىڭ قولداۋىمەن كوكتەمنىڭ كەلۋى مەن تابيعاتتىڭ جاڭارۋى سيمۆولى. وسى تاماشا كۇندەرى بۇكىل قازاقستان حالقى, ونىڭ ءاربىر ازاماتى ءوز ەلىنىڭ اجىراماس بولىگى ەكەندىگىن جۇرەگىمەن ءارى جان-تانىمەن سەزىنىپ, ءوزىنىڭ تۋعان تابيعاتىمەن جانە ۇرپاقتان-ۇرپاققا ۇقىپتى تۇردە بەرىلىپ كەلە جاتقان اتا-بابالاردىڭ قاسيەتتى داستۇرلەرىمەن اجىراماس بايلانىسىن ءتۇسىنىپ, ەڭ ماڭىزدىسى, ونىڭ بۇگىنى مەن بولاشاعى ءۇشىن جاۋاپكەرشىلىكتى تەرەڭ سەزىنەدى. ناۋرىزعا دەگەن وسىنداي قاستەرلى قارىم-قاتىناس ەل ازاماتتارىنىڭ ءوزىنىڭ ەجەلگى جانە ۇلى تاريحىمىزعا, باي مادەنيەتىمىزگە, اتا-بابالارىمىزدىڭ مۇراسىنا دەگەن تەرەڭ قۇرمەتىن بىلدىرەدى. سونىمەن بىرگە, بۇل ءبىزدىڭ حالقىمىز ءتۇرلى سىناقتارعا, بۇرىن جانە جاقىندا وتكەن قيىن كەزەڭدەرگە قاراماستان, ارقاشان قۇدايدىڭ دۇنيەتانىمى مەن جاراتىلىسىنىڭ ءمانىن انىقتايتىن ۇلى رۋحاني جانە ادامگەرشىلىك قۇندىلىقتارعا بەرىك ەكەندىگىنىڭ ايقىن دالەلى بولىپ وتىر», دەلىنگەن قۇتتىقتاۋدا.
بۇل كۇندەرى قازاقستاندىقتاردىڭ ۇلتىنا, تىلىنە جانە ءدىني سەنىمىنە قاراماستان, مۇقتاج ادامدارعا كومەكتەسۋدە ىزگى ۇمتىلىستارعا بىرىگۋىنىڭ, ءوزارا ەسكى رەنىشتەردى كەشىرۋگە ءارى ءبىر-بىرىنە جاقسىلىق تىلەۋىنىڭ ماڭىزى وتە زور.
«مەرەكە الەمدە بولىپ جاتقان وقيعالار اياسىندا ارقايسىمىزدىڭ قوعامداعى كەلىسىم مەن ۇيلەسىمدىلىكتى, ءبىزدىڭ كوپەتنوستى جانە كوپكونفەسسيالى مەملەكەتىمىزدەگى بەيبىت پەن تىنىش ءومىردى باعالاۋىمىزدىڭ جانە قورعاۋىمىزدىڭ قانشالىقتى ماڭىزدى ەكەنىن تۇسىنۋگە مۇمكىندىك بەرەدى. الەمنىڭ بارلىق ەلدەرىندە جانە بۇكىل جەر شارىندا بەيبىتشىلىك ورناسىن! قوعامدا جوعارى رۋحانيات پەن جارقىن بولاشاققا دەگەن سەنىم ورناسىن! جاراتۋشىمىز قازاقستاندى ءاردايىم جارىلقاسىن!», دەپ اتالىپ وتكەن قازاقستاننىڭ ءدىني بىرلەستىكتەرى وكىلدەرىنىڭ قۇتتىقتاۋىندا.