مولدوۆالىق «شەريف» كومانداسىنىڭ قاتارىنا جاڭادان قوسىلعان قازاقستاندىق فۋتبولشى دانيل انكۋدينوۆ مولدوۆا چەمپيوناتىنىڭ 21 تۋرىندا وتكەن «شەريف» پەن «سفىنتۋل گەورگە» اراسىنداعى ويىندا ناتيجەلى ويىنىمەن كوزگە ءتۇستى, دەپ حابارلايدى Egemen.kz sports.kz-كە سىلتەمە جاساپ.
اتالمىش كەزدەسۋدە «شەريف» فۋتبول كلۋبى قارسىلاستارىن 3:0 ەسەبىمەن ويسىراتا ۇتىپ, جەڭىستى سەرياسىن جالعاستىردى. ال دانيل انكۋدينوۆ كەزدەسۋدىڭ سەكسەنىنشى مينۋتىندا «شەريفتىڭ» برازيليالىق شابۋىلشىسى برۋنونىڭ گول سوعۋىنا جاعداي جاساپ, ناتيجەلى پاسپەن كوزگە ءتۇستى.