قر پرەمەر-ءمينيسترى ءاليحان سمايىلوۆتىڭ توراعالىعىمەن داعدارىسقا قارسى شارالار جونىندەگى جەدەل شتابتىڭ كەزەكتى وتىرىسى ءوتتى. وتىرىستا قۇرىلىس سالاسىن دامىتۋ ماسەلەلەرى قارالدى, دەپ حابارلايدى Egemen.kz.
يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆ بيىل قازاقستاندا 15,1 ملن شارشى مەتر تۇرعىن ءۇي قۇرىلىسى سالىناتىنىن ايتتى.
تۇرعىن ءۇي جانە جەڭىلدىكتى كرەديت بەرۋ جوبالارىن ىسكە اسىرۋعا 492 ملرد تەڭگە, ينجەنەرلىك جانە كولىك ينفراقۇرىلىمىن دامىتۋعا 1,4 ترلن تەڭگە باعىتتالدى. سونداي-اق قۇرىلىس ماتەريالدارى باعاسىنىڭ تۇراقتانۋى بايقالدى, اسىرەسە ارماتۋرا بويىنشا قۇنى 3%-عا, گازوبلوك 3%-عا, شىنى 17,6%-عا تومەندەدى.
بيزنەس قوعامداستىقپەن بىرلەسىپ مەملەكەتتىك ساتىپ الۋ جانە كوممەرتسيالىق تۇرعىن ءۇيدى دامىتۋ بولىگىندە جەدەل جانە جۇيەلى شارالار پىسىقتالۋدا.
نەگىزگى نازار قۇرىلىس پروتسەستەرىن اكىمشىلەندىرۋ تەتىگىن قاراۋعا (قۇرىلىسقا رۇقسات بەرۋ, ساۋلەت-جوسپارلاۋ تاپسىرماسىن بەرۋ جانە ەسكيزدىك جوبانى كەلىسۋ) جانە باسقا دا وزەكتى ماسەلەلەرگە اۋدارىلدى.