اقش-تىڭ ينديان-ۋەللس قالاسىندا ءوتىپ جاتقان اسا ءىرى حالىقارالىق ءتۋرنيردىڭ شيرەك فينالىنا شىققان تەننيسشىلەر بىرتە-بىرتە انىقتالۋدا.
وسىنىڭ الدىندا عانا بەلارۋس ويىنشىسى ۆيكتوريا ازارەنكودان ايلاسىن اسىرىپ, جانكۇيەرلەرىن قۋانتقان ەلىمىزدىڭ ءبىرىنشى راكەتكاسى ەلەنا رىباكينا بۇل جولى دا شابىسىنان جاڭىلعان جوق. WTA رەيتينگىندە 51-ورىندا تۇرعان شۆەيتساريالىق ۆيكتوريا گولۋبيچپەن كۇش سىناسقان ول 7:6, 6:2 ەسەبىمەن جەڭىسكە جەتتى. ەندى شيرەك فينالدا رىباكينا گرەكيالىق ماريا ساككاريمەن شەبەرلىك بايقاسادى. 26 جاستاعى ەجەلگى ەللادا ەلىنىڭ وكىلى بۇل كۇندەرى الەمدىك رەيتينگتە التىنشى ورىندا تۇر.
وكىنىشكە قاراي, الەكساندر بۋبليكتىڭ جولى بولمادى. اتالعان ءتۋرنيردىڭ ءۇشىنشى اينالىمىندا ول الەمنىڭ 35-راكەتكاسى بولگاريالىق گريگور ديميتروۆتان 3:6, 4:6 ەسەبىمەن ۇتىلىپ قالدى.