باس پروكۋرور, ەڭ الدىمەن, قاڭتار وقيعاسىنىڭ ءبىرىنشى كەزەڭىندە پوليتسيا قىزمەتكەرلەرىنىڭ, اسكەردىڭ جاۋىنگەرلىك قارۋ قولدانباۋىنىڭ سەبەبى سەكىلدى ماڭىزدى ماسەلەگە نازار اۋداردى.
تەك جاعداي تەررورلىق جانە اسا قاۋىپتى قىلمىستىق سيپات العاندا, ورتەۋ, ادام ومىرىنە قاۋىپ ءتوندىرىپ, م ۇلىككە زالال كەلتىرىپ, الەۋمەتتىك قاۋىپ تۋدىرعاندا قارۋ قولدانۋعا زاڭدى جانە قۇقىقتىق نەگىز پايدا بولدى.
قاڭتار وقيعاسى ءۇش كەزەڭگە بولىنگەنى ايتىلدى: بىرىنشىدەن, وقيعا بەيبىت شەرۋمەن باستالعان, كەيىن بۇل تولقۋلار قارۋلى ەكسترەميستەردىڭ كەلۋىمەن راديكالدى سيپات الىپ, سوڭىندا توپقا كريمينال قوسىلىپ احۋال ۋشىعىپ كەتكەن. ۇيىمداستىرۋشىلاردىڭ تۇپكى ماقساتى ەلدەگى بيلىكتى كۇشپەن باسىپ الۋ بولدى.
باياندامادا باس پروكۋراتۋرانىڭ ارنايى پروكۋرورلارى باسقاراتىن ۆەدومستۆوارالىق جەدەل-تەرگەۋ توپتارى قۇرعان قىلمىستىق ىستەر بويىنشا ءىس جۇرگىزۋ جۇمىستارى كەلتىرگەن ستاتيستيكاسى ماڭىزدى ورىن الدى.
بۇل قايعىلى جاعداي وعان قاتىسى جوق ادامدارعا, جازىقسىز جاندارعا دا اسەر ەتتى: اتىس كەزىندە 20 ادام كەزدەيسوق قازا بولدى. ونىڭ 11-ءى – الماتى قالاسىندا, 8-ءى – الماتى وبلىسىندا, بىرەۋى – تارازدا. بۇل ۇلتتىق قاسىرەتتىڭ قورىتىندىسىن ەل سوتتارى شىعارا جاتار, ال ءبىز وقيعانىڭ بولاشاقتا قايتالانباۋى ءۇشىن ونىڭ سالدارىنا ورالىپ وتىراتىنىمىز انىق.
مارات قوعاموۆ,
زاڭ عىلىمدارىنىڭ دوكتورى, پروفەسسور