زارينا دياس اقش-تىڭ مايامي قالاسىندا وتكەن WTA ءتۋرنيرىنىڭ ىرىكتەۋ سىنىنان سۇرىنبەي ءوتىپ, الەمنىڭ ۇزدىك تەننيسشىلەرىنىڭ قاتارىنا قوسىلدى. بۇل تۋرالى قازاقستان تەننيس فەدەراتسياسى حابارلادى.
وسى سىندا نەگىزگى كەزەڭگە وتكەن زارينا بۇكىلالەمدىك تەننيس فەدەراتسياسىنىڭ رەيتينگىسى بويىنشا 105-ورىننان 91-ورىنعا كوتەرىلدى. ال ياروسلاۆا شۆەدوۆا 58-ورىننان 55-ورىنعا جوعارىلادى. گالينا ۆوسكوبوەۆا بولسا ءبىر ساتى تومەندەدى. قازىر ول 64 ورىندا تۇر. العاشقى ۇشتىككە سەرەنا ۋيليامس (اقش), لي نا (قىتاي), اگنەشكا رادۆانسكا (پولشا) ورنالاستى.
زارينا دياستىڭ ويىن ورنەگىنە قاراپ, ونىڭ شەبەرلىگى شىڭدالىپ كەلە جاتقانىن اڭعارامىز. مۇنى ءبىز تياناقتى جاتتىعۋدىڭ جەمىسى دەپ بىلەمىز.
داستان كەنجالين.
دەرەككوز: www.ktf.kz
فوتو: www.ktf.kz