قىسقى پاراليمپيادا باسەكەسىندە قورجىنىمىزعا العاشقى قولا جۇلدەنى تۇسىرگەن بياتلون شەبەرى, سولتۇستىك قازاقستان وبلىسىنىڭ تۋماسى الەكساندر گەرليتس بۇل جەڭىسىن ارۋلاردىڭ مەرەكەسىنە ارنايتىنىن ايتتى, دەپ حابارلايدى Egemen.kz Zakon.kz-كە سىلتەمە جاساپ.
«بۇگىنگى باسەكە ايتارلىقتاي اۋىر بولدى. الايدا مەن سالقىندىلىق تانىتتىم دەپ پايىمدايمىن. وكىنىشكە قاراي نىسانا كوزدەۋ كەزىندە كەمشىلىكتەرگە بوي الدىردىم. ءۇش مارتە ءمۇلت كەتتىم. الايدا ول ولقىلىق مەنىڭ قولا جۇلدەگەر اتانۋىما كەدەرگى كەلتىرگەن جوق. سوزبەن ايتىپ جەتكىزە المايتىن كوڭىل-كۇيدە ءجۇرمىن. مەن بۇل جەڭىسىمدى اجەلەر, ارۋلار, انالاردىڭ مەرەكەسىنە ارنايمىن. ماعان جانكۇيەر بولعان بارلىقتارىڭىزعا زور العىسىمدى بىلدىرەمىن», دەيدى سپورتشى ءوز ويىمەن ءبولىسىپ.