سارسەنبى كۇنى پرەمەر-مينيستر كارىم ءماسىموۆ بىرقاتار كەزدەسۋلەر وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
بىرىككەن اراب امىرلىكتەرىنىڭ مەملەكەتتىك سىرتقى ىستەر ءمينيسترى انۆار گارگاشپەن بولعان كەلىسسوزدەر بارىسىندا ەكىجاقتى ساۋدا-ەكونوميكالىق جانە مادەني-گۋمانيتارلىق قىزمەتتەستىكتى ودان ءارى ارتتىرا ءتۇسۋ پەرسپەكتيۆالارى تالقىلاندى.
ا.گارگاش سونداي-اق استانادا ءوتىپ جاتقان ساۋدا-ەكونوميكالىق قىزمەتتەستىك جونىندەگى قازاقستان-ءباا بىرلەسكەن ۇكىمەتارالىق كوميسسيا-سىنىڭ 4-ءشى وتىرىسىنىڭ كۇن ءتارتىبى تۋرالى دا حابارلادى.
پرەمەر-مينيستر ك.ءماسىموۆتىڭ ءۇندىستاننىڭ سىرتقى ىستەر ءمينيسترى سوماناحاللي ماللاياح كريشنامەن كەزدەسۋىندە ەكى ەل اراسىنداعى ەكونوميكالىق قىزمەتتەستىكتىڭ بولاشاعى اڭگىمە ارقاۋىنا اينالدى.
تاراپتار قازاقستان-ءۇندىستان قىزمەتتەستىگىن جاڭا دەڭگەيگە شىعارۋعا جاعداي جاسايتىن ستراتەگيالىق ارىپتەستىكتى دامىتۋعا دەگەن ءمۇددەلىكتەرىن ءبىلدىردى.