جەڭىل سالماق دارەجەسىندە باق سىناپ جۇرگەن قازاقستاندىق كاسىپقوي بوكسشى سۇلتان زاۋىربەكتىڭ كەزەكتى جەكپە-جەگىن قاشان وتكىزەتىنى بەلگىلى بولدى, دەپ حابارلايدى Egemen.kz.
MTK Global پروموۋتەرلىك ۇيىمى كەلتىرگەن دەرەكتەرگە زەر سالساق, قازاقستاندىق بىلعارى قولعاپ شەبەرى رينگكە 15 ءساۋىر كۇنى شىعادى. جەكپە-جەك ۇلىبريتانيا استاناسى لوندون قالاسىنداعى York Hall سپورت كەشەنىندە وتەدى.
الايدا ازىرگە وتانداسىمىزدىڭ كىمگە قارسى شارشى الاڭعا شىعاتىنى بەلگىسىز. ول سوڭعى شايقاسىن وتكەن جىلدىڭ جەلتوقسان ايىندا الماتى قالاسىندا وتكىزىپ, ۇلىبريتانيالىق رايان ۋيلەردەن ايلاسىن اسىرعان بولاتىن.