«توبىل» – سۋپەركۋبوك يەگەرى

«توبىل» بىلتىر تۇر­كىس­تاندا ۇيىمداستىرىلعان ءتورت كلۋب («استانا», «قايرات», «شاح­­تەر», «توبىل») اراسىن­داعى سۋپەركۋبوك باسەكەسىنىڭ جار­­تىلاي فينالىندا سول جىل­عى قازاقستان چەمپيونى «قاي­راتتى» ماتچ سوڭىنداعى پەنالتي سەرياسىندا جەڭسە, في­نالدا دا ەلوردانىڭ «اس­تانا­سىن» پەنالتيدە قاپى قالدىرىپ, ءوز تاريحىندا العاش رەت سۋپەركۋبوك يەگەرى اتانعان ەدى.

قوستانايدىڭ كومانداسى اراعا جىل سالىپ بىلتىرعى اتاعىن ساقتاپ قانا قويماي, جا­ڭا جىلدى تاعى ءبىر ءىرى جە­ڭىسپەن باستادى. 2021 جىلعى ەل چەمپيوندارى ماۋسىمارالىق ۇزىلىستە قۇرامىن اجەپتاۋىر كۇشەيتتى. اتاپ ايتقاندا, ول بيىل «استانانىڭ» ەكس-ويىن­شىلارى دميتري نەپوگودوۆ (قاقپاشى) پەن جاركو توما­شەۆيچ (قورعاۋشى), ۇلتتىق قۇ­رامانىڭ فۋتبولشىلارى ۆلا­ديسلاۆ ۆاسيلەۆ پەن ايبار جاق­سىلىقوۆ جانە تاعى باسقا ويىنشىلارمەن تولىقتى. ال «قايرات» بىرقاتار نەگىزگى قۇرام ويىنشىلارىمەن قوشتاسىپ, جاڭا ماۋسىمدا جاستارعا سەنىم ارتىپ وتىر.

«استانا ارەناداعى» التى مىڭنان اسا جانكۇيەردىڭ قول­داۋىمەن وتكەن سۋپەركۋبوك ويى­نىندا «توبىلدىڭ» ۇستەم­دىگى انىق بايقالدى. ەكى كلۋبتىڭ فۋتبولشىلارى دەنە قىزدىرىپ, الاڭعا بوي ۇيرەتكەنگە دەيىن كەز­دەسۋدىڭ العاشقى 10-15 مي­­نۋتى كورەرمەندەردى ازداپ جالىقتىرعانداي بولدى. كەيىن­­نەن قوستانايلىق ويىنشى­لار «قايرات» قاقپاسىنا دۇر­كىن-دۇركىن قاۋىپتى شابۋىل ۇيىمداستىرىپ, تاماشا ويى­نىمەن ستاديونعا جينالعان جانكۇيەرلەردى ەلىتىپ اكەتتى. ءبىرىنشى تايمنىڭ بەل ورتاسىنان اۋعاندا «توبىلدىڭ» كەزەكتى شابۋىلىن «قايراتتىڭ» قور­عاۋشىلارى ءوز ايىپ الا­ڭىندا ەرەجە بۇزۋ ارقىلى توقتاتتى. ناتيجەسىندە, باس تورەشى پەنالتي بەلگىلەدى. 11 مەترلىك نۇك­تەدە ءمۇلت كەتپەگەن سەرىكجان مۋجيكوۆ ءوز كومانداسىن العا شىعاردى. الايدا ويىننىڭ 40-مينۋتىندا «قايراتتىڭ» برازيليالىق لەگيونەرى جواو پاۋلو ايىپ الاڭىنىڭ سىرتىنان تاماشا گول سوعىپ, تارازى باسىن تەڭەستىردى – 1:1.

ەكىنشى تايمدا ويىنعا VAR ارالاستى. 64-مينۋتتا «تو­­بىل» ءوز ايىپ الاڭىندا ويىن ءتارتىبىن بۇزدى. ۇزاق تال­قىلاۋدان سوڭ باس تورەشى دا­نيار ساحي VAR كومەگىنە جۇ­گىنىپ, بۇل جولى قوستانايلىق كوماندانىڭ قاقپاسىنا پەنالتي بەلگىلەدى. بىراق «قايراتتىڭ» پورتۋگاليالىق لەگيونەرى ريكاردو الۆەش دوپتى قاقپاعا دارىتا المادى. ءسويتىپ «سەن سوقپاساڭ ساعان سوعادى» دەگەندەي, ماتچتىڭ اياقتالۋىنا ساناۋ­لى مينۋتتار قالعاندا الاڭعا قوسالقى قۇرامنان شىققان شابۋىلشى ايبار جاقسىلىقوۆ مەرگەندىگىمەن كوزگە ءتۇسىپ, «تو­بىلعا» جەڭىس سىيلادى. قورى­تىندى ەسەپ – 2:1.

بۇل – «توبىلدىڭ» قا­زاق­ستان سۋپەركۋبوگىنداعى ەكىن­شى جەڭىسى. قوستانايلىقتار وسى ناتي­جەسىنىڭ ارقاسىندا ال­ما­تىنىڭ «قايراتىمەن» تە­ڭە­سىپ الدى. ال وسى جارىستا ءۇش مار­تە توپ جارعان «اقتوبە» مەن بەس دۇر­كىن سۋپەركۋبوك يەگە­رى «اس­تانا» ۇزدىكتەر كوشىن باس­تاپ تۇر.

سونىمەن قاتار «توبىل» بۇل جەڭىسىنىڭ ارقاسىندا قا­زاقستان سۋپەركۋبوگى مەن 27,5  ملن تەڭگە قارجىعا كەنەلسە, «قايرات» 12,5 ميلليون تەڭگە تابىس تاپتى.

وسىلايشا, سۋپەركۋبوك ويىنىمەن قازاقستاننىڭ جاڭا فۋتبول ماۋسىمى اشىلدى. ەرتەڭ ەلىمىزدىڭ بىرنەشە قالاسىندا فۋت­بولدان كەزەكتى قازاقستان چەم­پيو­ناتىنىڭ جالاۋى كوتە­رىلەدى. سەنبى (5 ناۋرىز) كۇنى «كاس­­­پي» – «قىزىلجار», «تۇ­ران» – «تاراز», «اتىراۋ» – «اق­­سۋ», «استانا» – «شاحتەر», «ور­­دا­­باسى» – «ماقتاارال» كو­مان­­دا­­لارى باق سىناسا, جەكسەن­بىدە (6 ناۋرىز) «قايرات» – «اق­­توبە» جانە «توبىل» – «اق­جا­يىق» كلۋب­­­­تارى جاسىل الاڭدا جولى­عادى.