تاراز قالاسىنداعى «بالاساعۇن» ورتالىق كونتسەرت زالىندا جامبىل وبلىسى اكىمدىگىنىڭ قولداۋىمەن جانە وبلىستىق مادەنيەت, ارحيۆتەر جانە قۇجاتتاما باسقارماسىنىڭ ۇيىمداستىرۋىمەن جىر الىبى جامبىل جاباەۆتىڭ تۋعان كۇنىنە جانە Aulieata-مedia جاۋاپكەرشىلىگى شەكتەۋلى سەرىكتەستىگىنە قاراستى وبلىستىق «Aq jol» گازەتىنىڭ ءجۇز جىلدىعىنا وراي, «جامبىل – مەنىڭ جاي اتىم, حالىق – مەنىڭ شىن اتىم» اتتى رەسپۋبليكالىق اقىندار ايتىسى ءوتتى. جىل سايىن ءداستۇرلى تۇردە ۇيىمداستىرىلىپ كەلە جاتقان ايتىستىڭ بەتاشارىن وبلىس اكىمىنىڭ ورىنباسارى داۋلەت كارىبەك ءسوز سويلەپ اشىپ, اقىندارعا ساتتىلىك تىلەدى.
جىر الامانىنا ەلىمىزدىڭ ءار ايماعىنان 18 اقىن قاتىستى. ايتىستى بەلگىلى ايتىسكەر اقىن, قازاقستاننىڭ ەڭبەك سىڭىرگەن قايراتكەرى امانجول التاەۆ جۇرگىزىپ وتىردى. تاراز تورىندە وتكەن ايتىسقا اقىن, قازاقستاننىڭ ەڭبەك سىڭىرگەن قايراتكەرى قايىربەك اسانوۆ, اقىن, عالىم جايلىباي, اقىن, پارلامەنت ءماجىلىسىنىڭ دەپۋتاتى جاناربەك ءاشىمجان, رەسپۋبليكالىق جىرشى-تەرمەشىلەر وداعى جامبىل وبلىستىق فيليالىنىڭ توراعاسى, ايتىسكەر اقىن احمەتجان وزبەكوۆ, جازۋشى, وبلىستىق Aq jol گازەتىنىڭ باس رەداكتورى ورالحان ءداۋىت, ايتىسكەر اقىن باۋىرجان حاليوللا سىندى قالامگەرلەر قازىلىق ەتتى.
جالپى, اقىندار توعىز جۇپ بولىپ ايتىستى. ءسوز ۇستالارى نەگىزىنەن اۋليەاتا ءوڭىرىنىڭ تاريحىن, بۇگىنگى جەتكەن جەتىستىگىن, سونداي-اق اq jol گازەتىنىڭ تاريحىن دا جىرعا قوستى. اq jol گازەتى 1922 جىلى 1 مامىر كۇنى العاش رەت «كەدەي ەركى» دەگەن اتاۋمەن جارىق كورگەن. مۇندا ءار جىلدارى ەلىمىزگە بەلگىلى قالامگەرلەر جۇمىس ىستەگەن. جامبىل ءوڭىرىنىڭ بۇكىل تاريحى اتالعان باسىلىم بەتتەرىندە تۇنىپ تۇر.
قازىلار القاسىنىڭ شەشىمىمەن «جامبىل – مەنىڭ جاي اتىم, حالىق – مەنىڭ شىن اتىم» اتتى رەسپۋبليكالىق اقىندار ايتىسىنىڭ باس جۇلدەسى باتىستىق باۋىرجان شيرمەدەن مەن جامبىلدىق قانات مىرزاحان ەكەۋىنە بەرىلدى. ال ءبىرىنشى ورىندى سولتۇستىك قازاقستان وبلىسىنان كەلگەن جارقىن جۇپارحان جەڭىپ السا, ەكىنشى ورىندى شىمكەنتتىك ءبىرجان بايتۋوۆ يەلەندى. سونىمەن قاتار ءۇشىنشى ورىن اq jol گازەتىنىڭ ارنايى سىيلىعى قاراعاندىلىق ايتباي جۇماعۇلوۆ, قىزىلوردالىق مەيىربەك سۇلتانحان جانە تارازدىق ەسەت دوسالىعا بۇيىردى. جالپى, ايتىسقا قاتىسۋشى بارلىق اقىنعا العىس حات تابىستالدى. جۇلدەگەر جانە قاتىسۋشى ايتىسكەرلەردىڭ بارىنە اقشالاي سىيلىقتار مەن «جامبىل جىراۋ» كىتابى سىيعا تارتىلدى. ايتىس الامانىنا ارنايى كەلگەن جامبىل وبلىسىنىڭ اكىمى بەردىبەك ساپارباەۆ قازىلار القاسى مەن ايتىسكەر اقىندارعا ريزاشىلىعىن ءبىلدىردى. «مىناداي اۋمالى-توكپەلى زاماندا ءداستۇرىمىزدى جالعاستىرۋىمىز كەرەك. جامبىل بابامىز دا ەلدىڭ بىرلىگىن جىرلاعان. بۇگىن سىزدەردىڭ ەڭسەلەرىڭىز كوتەرىلدى, تاڭەرتەڭنەن بەرى كەلىپ وتىرعاندارىڭىز اقىندارعا دەگەن قۇرمەتتەرىڭىز دەپ بىلەمىن. ءبىز ءبىر-بىرىمىزگە تىلەۋلەس, قازاق دەگەن حالىقپىز. كيەلى اۋليەاتا جەرىندە ايتىستىڭ كوشى جولعا شىقتى. الدا ناۋرىز ايى, بۇل اي ءبىز ءۇشىن مەرەكە. شاڭىراعىمىزدان شاتتىق كەتپەسىن, ەل تىنىش, ىرگەمىز بەرىك بولسىن», دەدى اكىم.
ماراپاتتاۋ ءراسىمى بارىسىندا ايتىسكەر اقىن باۋىرجان حاليوللا وبلىستىق اq jol گازەتىنىڭ باس رەداكتورى ورالحان ءداۋىت پەن ايتىسكەر اقىن احمەتجان وزبەكوۆكە سىرىم دات ۇلى اتىنداعى ارنايى توسبەلگىنى تابىستادى.
جامبىل وبلىسى