سان عاسىرلار بويى اڭساپ كۇتكەن ازات كۇنگە جەتىپ, تاۋەلسىزدىك تۋىن كوتەرگەن كۇننەن-اق قازاق ەلى شەتەلدەردەگى قانداستاردى ەلگە شاقىردى. قازاق حالقى وعان دەيىن دە وزگە ەتنوستاردى باۋىرىنا باسقان قايسار حالىق ەكەنىن بىلەمىز.
مەنىڭ اتا-بابام ستالين ساياساتىنىڭ ىزعارىمەن قازاقستانعا قونىس اۋدارعان. العاشىندا جۇرەكسىنىپ, ارتىنان تاۋەكەلگە باس تىگىپ, وتباسىمىزبەن قازاق ەلىنە كوشىپ كەلگەن. سوناۋ ءبىر قيىن كەزدەردە ەل-جۇرتىنان, تۋعان جەرى مەن جاقىندارىنان كوز جازىپ قالعان چەشەندەردى قازاق حالقى قۇشاق جايا قارسى الدى. جەر اۋدارىلۋدىڭ العاشقى جىلدارىندا جاڭا ورتاعا بەيىمدەلمەگەن, ءومىر سۇرۋگە قاراجاتى بولماعان چەشەن حالقىنىڭ وكىلدەرىنىڭ سانى اۋرۋ مەن اشتىقتان ازايا باستادى. وسىلاي, ءبىزدىڭ حالقىمىزعا ۇلت رەتىندە جويىلىپ كەتۋ قاتەرى تۋدى. جەرگىلىكتى حالىق ءبىزدى سابىرلىقپەن قابىلدادى, بارىنشا كەڭپەيىلدىلىك تانىتتى.
قازاقتاردىڭ چەشەن حالقىمەن سوڭعى ءتىلىم نانىن ءبولىپ بەرىپ, جاقسى نيەتتەستىگىن بىلدىرگەنى تاريحتا جازىلىپ قالدى. مىنە, سودان بەرى قازاق پەن چەشەن دوستىعى مىزعىماي كەلەدى. بۇدان بولەك, قانشاما ەتنوس وكىلدەرى قازاقستاننان پانا تاپتى. تاريحىمىز وسىلاي قالىپتاسا كەلە, قازىرگى تاڭدا قازاق ەلى كوپتەگەن ەتنوس وكىلدەرىنىڭ وتانى, سۇيىكتى مەكەنى بولدى.
بۇگىندە ەلىمىزدى الەم تانىدى. مۇنىڭ بارلىعى – مەملەكەتىمىزدەگى ىنتىماق پەن تاتۋلىقتىڭ جەمىسى. تىنىشتىق پەن تۇراقتىلىقتىڭ جىلى ۇياسىنا اينالعان قازاق ەلىندە ءومىر ءسۇرىپ جاتقانىم – مەن ءۇشىن ۇلكەن باقىت. بىرلىك-بەرەكەمىز اجىراماي, ءبىر تۋدىڭ استىندا تاتۋ-ءتاتتى ءومىر سۇرە بەرەيىك!
ادام ەلمۋرزاەۆ,
دوستىق ءۇيى قوعامدىق كەلىسىم ورتالىعى چەشەن ەتنومادەني بىرلەستىگىنىڭ وكىلى, قوعام بەلسەندىسى